ەل ىشىنە ىرىتكى سالاتىن جات يدەولوگيالارمەن كۇرەستى كۇشەيتۋ كەرەك – پرەزيدەنت

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ قازاقستان پوليتسياسىنىڭ 30 جىلدىعىنا ارنالعان سالتاناتتى جيىندا الەۋمەتتىك جەلىدە جۇرتتى زاڭ بۇزۋعا يتەرمەلەيتىن اعىمداردىڭ وتە كوپتىگىنە نازار اۋداردى، دەپ حابارلايدى قازاقپارات.

پرەزيدەن ولاردىڭ جولىن كەسۋ ءۇشىن باسقا دا قۇزىرلى ورگاندارمەن بىرلەسىپ جۇمىس اتقارۋ كەرەك ەكەنىن اتاپ ءوتتى. سونىمەن قاتار قوعامدىق ۇيىمدارمەن تىعىز قارىم- قاتىناس ورناتقان ابزال ەكەنىن ەسكە سالدى. مەملەكەت باسشىسى ازاماتتاردىڭ بارىنە تەڭ مۇمكىندىك بەرەتىن قوعام قۇرۋ، سونىڭ ىشىندە ايەلدەر مەن بالالاردىڭ قۇقىعىن قورعاۋ باستى مىندەت ەكەنىن اتاپ ءوتتى.

«تاعى ءبىر ماڭىزدى مىندەت - ايەلدەر مەن بالالاردى زورلىق- زومبىلىقتان قورعاۋ. مينيسترلىكتە وسىنداي ىستەردى تەرگەۋمەن اينالىساتىن ارناۋلى ءبولىم قايتا اشىلدى. مەنىڭ تاپسىرمام بويىنشا بيىل ايەلدەر مەن بالالارعا كەشەندى قولداۋ كورسەتەتىن ورتالىقتار قۇرىلدى. بۇل ورتالىقتار قازىر پيلوتتىق رەجيمدە جۇمىس جاساپ تۇر. وندا پسيحولوگيالىق، قۇقىقتىق جانە مەديتسينالىق كومەك كورسەتىلەدى. سونداي- اق، ءتيىستى ساراپتامالار جاسالادى. ارنايى دايارلىقتان وتكەن تەرگەۋشى ايەلدەر زارداپ شەككەن جاندارعا جاردەم بەرەدى. جالپى، بۇل ورتالىقتار ءتيىمدى جۇمىس ىستەپ جاتىر. مۇنداي ورتالىقتاردى بۇكىل ەل اۋماعىندا اشىپ، اۋقىمىن كەڭەيتۋ كەرەك. ۇكىمەتكە جانە اكىمدەرگە وسى جۇمىستى قولعا الۋدى تاپسىرامىن»، - دەدى قاسىم- جومارت توقايەۆ.

ايتا كەتەيىك، وسىدان تۋرا 30 جىل بۇرىن قازاقستان پوليتسياسى قۇرىلعان بولاتىن.

سوڭعى جاڭالىقتار