قىزمەت بابىندا قاتال بولعانىمىزبەن، ۇيدە مەيىرىمدىمىز - تۇركىستاندىق پوليتسەي

None
None
تۇركىستان. قازاقپارات - قازىرگى قوعامدا ابىرويلى قىزمەتىمەن جانە وتباسىلىق ومىرىمەن كوپشىلىككە ۇلگى بولىپ وتىرعان جاستار كوپ.

سولاردىڭ ءبىرى سوزاقتىق نۇرداۋلەتوۆتەر وتباسى. ءوزارا سىيلاستىعىمەن كوپشىلىكتىڭ قۇرمەتىنە بولەنگەن جايدارى جۇپتى بۇگىنگى كۇننىڭ وزىندە زامانداستارى ۇلگىلى وتباسى دەپ اتايدى. قۇقىق قورعاۋ سالاسىندا قىزمەت ەتەتىن ەرلى زايىپتىلار ابىرويلى ەڭبەگىمەن قوعام تىنىشتىعىن كۇزەتىپ كەلەدى.

وتاعاسى ءىلياس نۇرداۋلەت اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىندا ەڭبەك ەتسە، جۇبايى راحات ۋاليەۆا كامەلەتكە تولماعاندار ءىسى جونىندەگى ۋچاسكەلىك پوليتسيا ينسپەكتورى. تاڭەرتەڭ جۇمىسقا ۇيدەن بىرگە شىعاتىن ولار، قىزمەت ورنىنا بىرگە بارادى. جۇمىس بارىسى قاۋىرت بولماعان كۇندەرى تۇسكى استى دا بىرگە ىشەدى. ءاردايىم ءبىر بىرىنە قولداۋ ءبىلدىرىپ، كوپشىلىككە ابىرويلى ەڭبەكتەرىمەن ۇلگى بولىپ كەلەدى.

«مەن وتىرار اۋدانى، اققۇم اۋىلىندا دۇنيەگە كەلدىم. ق ر ءى ءى م قاراستى الماتى اكادەمياسىندا ءبىلىم الدىم. ەڭبەك جولىمدى تۋعان جەرىم وتىرار اۋدانىندا باستادىم. دەگەنمەن، سوزاق اۋدانىنا كەلىن بولىپ، وسىندا قىزمەتىمىدى دە اۋىستىردىم. اتا - ەنەممەن بىرگە تۇرامىز. وتباسىلىق جۇمىستارمەن قاتار قىزمەت بابىنا دا ۇلگەرەمىز. اتا- ەنەم ءاردايىم قولداۋ ءبىلدىرىپ، جۇمىسىما تۇسىنىستىكپەن قارايدى. مەن ول كىسىلەرگە ريزاشىلىعىمدى ءبىلدىرىپ، العىسىمدى ايتامىن» - دەيدى راحات ءامىرحان قىزى.

بۇگىندە راحات پوليتسيا كاپيتانى. وزىنە بەكىتىلگەن اۋماقتاعى مەكتەپتەردە ۇنەمى پروفيلاكتيكالىق جۇمىستاردى جۇرگىزىپ وتىرادى. ال، كەشكىسىن رەيدكە شىعىپ، جاستاردىڭ بەيمەزگىل ءجۇرۋىن قاداعالايدى. كامەلەتكە تولماعاندار اراسىنداعى قىلمىستىق وقيعالاردىڭ الدىن الۋ ماقساتىندا تۇسىندىرمە جۇمىستارىن جۇرگىزەدى. ال، جۇبايى پوليتسيا لەيتەنانتى ءىلياس قايرىعالي ۇلى بۇعان دەيىن قوعامدىق تىنىشتىقتى كۇزەتۋ جولىنداعى قالتقىسىز ەڭبەگى ءۇشىن كوپتەگەن العىس حاتتارمەن ماراپاتتالعان. تەرىسكەيدىڭ تۋماسى شىمكەنتتە ءبىلىم العان سوڭ، شىعىس قازاقستان وبلىسىنداعى شەكارا زاستاۆاسىندا وتان الدىنداعى بورىشىن وتەدى. كەيىن بايدىبەك اۋدانىندا قىزمەت ەتتى.

«ەر ازاماتتىڭ ەڭ باستى ماقساتى ناعىز ەر بولۋ. وتان الدىنداعى بورىشىن وتەپ، ەلىن جەرىن قورعاۋ. بۇل جولدا كەز كەلگەن جاس قىزمەت ەتىپ، ءوز ەلىنىڭ پاتريوتى ەكەندىگىن دالەلدەۋى قاجەت» - دەيدى ول. بۇگىندە قوس جۇپتىڭ وتاۋ قۇرعاندارىنا 3 جىل تولىپ وتىر. ءبىر بىرىنە «سەن» - دەپ سوزگە كەلمەيتىن جايدارى جۇپ، كەز كەلگەن ماسەلەنى قاس قاباقتارى ارقىلى بىلەدى. تۇسىنىستىك ورناعان تۇستا عانا، بەرەكە بىرلىكتى ارتاتىن باعامدايدى. ال، وسكەنتايەۆتار وتباسىنىڭ وتاۋ قۇرعاندارىنا دا 2 جىل تولىپ وتىر. جانەركە شۋانبايەۆا تەرگەۋشى. سوزاق ا پ ب تەرگەۋ بولىمىندە قىزمەت ەتەدى. ال، جۇبايى نۇرحات وسكەنتايەۆ ۋاقىتشا ۇستاۋ يزولياتورىندا ەڭبەك ەتۋدى. قوس جۇپ قوعام تىنىشتىعىن جولىندا قالتقىسىز ەڭبەك ەتىپ، قىزمەتىمەن كوپشىلىكتىڭ ىستىق ىقىلاسىنا بولەنەپ كەلەدى.

«بالا كەزدەن پوليتسيا قىزمەتكەرى بولۋدى قاتتى ارماندادىم. كوپ ىزدەندىم. وقىدىم. مەكتەپ كەزىندە دە قۇقىق قورعاۋ سالاسىنا قاتىستى كىتاپتاردى كوپ قارايتىنمىن. كەيىن قر ءىىم قاراستى قاراعاندى اكادەمياسىندا ءبىلىم الدىم. سول كەزدە الدىما «تەرگەۋشى بولام» دەگەن ماقسات قويدىم. فورما كيىپ، شەن تاعۋ مەنىڭ بالا كۇنگى ارمانىم بولاتىن. ءقازىر بۇل جولدا ەڭبەك ەتىپ جاتقانىمدى ماقتان تۇتامىن» - دەيدى اعا لەيتەنانت جانەركە جانىبەك قىزى.

جالپى تەرىسكەيلىك ەكى جاستى ماماندىقتارى تابىستىرعان. قىزمەت بابىندا باستالعان تانىستىق، كەيىن ۇلكەن ماحابباتقا اينالدى.

«قىزمەت بابىندى قاتال، تالاپشىل بولعانىمىزبەن، ۇيدە مەيىرىمدىمىز. بوس ۋاقىتىمىزدى قىدىرۋعا ارنايمىز. قىزمەتىمىزگە تۇسىنىستىكپەن قارايمىز. ءبىر شاڭىراقتا تۇرىپ، ءبىر قىزمەتتە ءجۇرۋ ءبىز ءۇشىن قيىن ەمەس. ويىمىز دا، ءىسىمىز دە ءبىر جەردەن شىعىپ وتىرادى. كەي ساتتەردە، ءبىر- ءبىرىمىزدىڭ اقىل- كەڭەسىمىزگە جۇگىنەمىز. العا قويعان جوسپارلارىمىز كوپ. سول جولدا ەڭبەك ەتىپ كەلەمىز» - دەيدى ءتارتىپ ساقشىسى. سوزدەن كورى ىسكە جاقىن نۇرحات باقىت ۇلى ەڭبەكقورلىعىمەن جانە قىزمەتتەگى ادالدىعىمەن كوپكە ۇلگى. ءمىنسىز قىزمەتى ءۇشىن بىرنەشە رەت ارنايى ماراپاتقا يە بولعان. ءجيى-ءجيى سپورت زالعا بارىپ، جاتتىعۋلار جاساپ، دەنەسىن شىنىقتارادى. كىتاپ وقىپ، ۇنەمى ءبىلىمىن جەتىلدىرىپ وتىرادى.

اۆتور: قايرات زاينيشەۆ


سوڭعى جاڭالىقتار