10:54, 23 - ماۋسىم 2022 | GMT +6
پرەزيدەنت مەملەكەتتىك قىزمەتشىلەردى بۇگىنگى مەرەكەمەن قۇتتىقتادى
نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ مەملەكەتتىك قىزمەتشىلەردى بۇگىنگى مەرەكەمەن قۇتتىقتادى، دەپ حابارلايدى قازاقپارات.
«مەملەكەتتىك قىزمەتشىلەردى كاسىبي مەرەكەسىمەن قۇتتىقتايمىن! 2003 -جىلى ب ۇ ۇ باس اسسامبلەياسى مەملەكەتتىك قىزمەتشى كۇنىن بەلگىلەۋ تۋرالى شەشىم قابىلدادى. سىزدەرگە جاڭا قازاقستان قۇرۋ ىسىندە ەرەكشە مىندەت جۇكتەلەدى. قىزمەتتەگى نەگىزگى قاعيداتتارىڭىز - ادالدىق، كاسىبيلىك، قۇزىرەتتىلىك، اشىقتىق بولۋعا ءتيىس. مەملەكەتتىك قىزمەتشىنىڭ باستى ماقساتى - ازاماتتاردىڭ ءال-اۋقاتىن ارتتىرۋ. ەل ءۇمىتىن تولىق اقتايسىزدار دەپ سەنەمىن»، - دەپ جازدى مەملەكەت باسشىسى Twitter- دە.
