قازاقستاندىقتار تاشكەنتكە كولىك جانە پويىزبەن قالاي جەتە الادى

نۇر-سۇلتان. قازاقپارات - ناۋرىزدىڭ ورتاسىندا وزبەكستان قازاقستاندىق تۋريستەردىڭ قۇرلىق شەكاراسى ارقىلى كىرۋىنە شەكتەۋلەردى الىپ تاستادى.

ال 2022 -جىلدىڭ 16-مامىرىنان باستاپ قازاقستان تاشكەنتكە پويىز رەيستەرىن قايتا باستادى. Kaz.tengritravel.kz ءتىلشىسى تۋريستەر ءۇشىن وزبەكستانعا قالاي جەتۋگە بولاتىنى تۋرالى اقپارات جينادى.

تاشكەنتكە پويىزبەن بارۋ

الماتى - تاشكەنت باعىتىنداعى № 1/2 پويىز. ول اپتاسىنا ءۇش رەت - دۇيسەنبى، سارسەنبى جانە سەنبى كۇندەرى جۇرەدى. الماتى-2 ۆوكزالىنان شىعادى. قۇرامادا 24 ۆاگون بار. جول ءجۇرۋ ۋاقىتى - 18 ساعات 30 مينۋت. بيلەت قۇنى مەملەكەتارالىق تاريف بويىنشا بەلگىلەنگەن. باعاسى 17481 تەڭگەدەن باستالادى. ناقتى قۇنىن سايتتا ناقتىلاۋعا بولادى.

اتالعان پويىز قازاقستاندا وتار، شۋ، تاراز، تۇلكىباس، مانكەنت، شىمكەنت جانە سارىاعاش ستانسيالارىنان وتەدى. تاشكەنتكە بيلەتتەردى كورسەتىلگەن ەلدى مەكەندەردەن دە ساتىپ الۋعا بولادى. ماسەلەن، تارازدان بيلەت قۇنى 10100 تەڭگەدەن، شىمكەنتتەن 7300 تەڭگەدەن باستالادى.

بيلەتتەردى ەلەكتروندى فورماتتا جانە تەمىرجول كاسسالارىندا ساتىپ الۋعا بولادى. ەلەكتروندىق بيلەتتەردى ساتىپ الۋ كەزىندە جولاۋشىلار ولاردى ا4 فورماتىنداعى قاعازعا باسىپ شىعارۋى كەرەك.

سونىمەن قاتار، 2022 -جىلدىڭ 15-مامىرىنان باستاپ اپتاسىنا ءۇش رەت - دۇيسەنبى، سارسەنبى جانە سەنبى كۇندەرى - بەينەۋ - نۇكىس باعىتىنداعى پويىز قاتىنايدى. جول ءجۇرۋ ۋاقىتى - 14 ساعات. قۇنى 6400 تەڭگەدەن باستالادى.

تاشكەنتكە اۆتوبۋسپەن بارۋ

اۆتوبۋستار الماتىدان تاشكەنتكە كۇن سايىن كۇنىنە ءۇش رەت - ساعات 17.00، 18.00، 19.00-دە جۇرەدى. بيلەت باعاسى - 5200 تەڭگە. 12 جاسقا دەيىنگى بالالارعا - 50 پايىز جەڭىلدىك. جول ءجۇرۋ ۋاقىتى - 14-15 ساعات. اۆتوبۋستار ىڭعايلى، جينالمالى ورىندىقتارى بار. ۇيىقتايتىن اۆتوبۋستار تاق كۇندەرى جۇرەدى. كەستەنى الماتى قالاسىنىڭ «سايران» حالىقارالىق اۆتوۆوكزالىنىڭ سايتىنان نەمەسە انىقتاما ءنومىرى بويىنشا ناقتىلاۋعا بولادى. بيلەتتەردى اۆتوۆوكزالدىڭ كاسسالارىنان تەك تولقۇجاتپەن ساتىپ الۋعا بولادى.

تۋريستىك كلاستاعى جايلى اۆتوبۋستاردا تاشكەنت پەن شىمكەنت اراسىنداعى تىكەلەي اۆتوبۋس قاتىناسى كۇن سايىن كۇنىنە ءۇش رەت - 8.30، 13.30 جانە 19.30-دا قولجەتىمدى. جول ءجۇرۋ ۋاقىتى 2,5-3 ساعات. بيلەت باعاسى - 3000 تەڭگە. 5 جاسقا دەيىنگى بالالارعا تەگىن. 5 جاستان 10 جاسقا دەيىن - 50 پايىز جەڭىلدىك. بيلەتتەردى شىمكەنت قالاسىنداعى «بەكجان» اۆتوۆوكزالىنىڭ كاسساسىنان، سونداي- اق 77471098776+ تەلەفونى بويىنشا جەكە تاسىمالداۋشىمەن حابارلاسىپ، ونلاين ساتىپ الۋعا بولادى.

سونىمەن قاتار، قىزىلوردادان دا تاشكەنتكە اۆتوبۋس قاتىنايدى. كۇن سايىن ساعات 17.00-دە. بيلەت باعاسى - 3500 تەڭگە. بيلەتتەر سول جەردە ساتىپ الىنادى. اۆتوۆوكزالعا 772422335208+ ءنومىرى بويىنشا حابارلاسۋعا بولادى.

ق ر ي ي د م كولىك كوميتەتى اۆتوموبيل كولىگى باسقارماسىنىڭ باسشىسى سەليم قۋانىش ۇلىنىڭ ايتۋىنشا، قىزىلوردادان وزبەكستاننىڭ چيرچيك قالاسىنا دا اۆتوبۋس قاتىنايدى. اۆتوبۋستار ىڭعايلى، تۋريستەر ءۇشىن بارىنشا قولايلى.

«ا3 كلاستاعى تۋريستىك اۆتوبۋس. ەگەر مارشرۋت 300 شاقىرىمنان از بولسا، شاعىن اۆتوبۋستاردىڭ قايىرمالى ورىندىقتارمەن جانە جەكە باگاج بولىگىمەن جۇرۋىنە جول بەرىلەدى. سونداي- اق، تۋروپەراتورلار ەكسكۋرسيا ءۇشىن ۇيىمداستىرعان تۇراقتى ەمەس رەيستەر نەمەسە جەكە اۆتوبۋستار بار. اۆتوۆوكزال سۇرانىستىڭ ارتۋىمەن ءوز بەتىنشە رەيستەر سانىن كوبەيتۋگە قۇقىلى»، - دەدى ول.

بۇعان دەيىن تۋريستەر تاشكەنت پەن سامارقانعا تۇركىستاننان دا بارا الاتىن. الايدا اۆتوبۋستاردىڭ ءجۇرۋى بەلگىسىز مەرزىمگە توقتاتىلدى.