اباي وبلىسىنىڭ اكىمى پرەزيدەنتكە ءوڭىردىڭ قازىرگى جاعدايى تۋرالى باياندادى

نۇر- سۇلتان. قازاقپارات - پرەزيدەنت اباي وبلىسىنىڭ اكىمى نۇرلان ۇرانحايەۆتى قابىلدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

قاسىم- جومارت توقايەۆ جاڭادان قۇرىلعان اباي وبلىسىنىڭ اكىمى نۇرلان ۇرانحايەۆتى قابىلداپ، ءوڭىردىڭ قازىرگى جاعدايى تۋرالى بايانداماسىن تىڭدادى. وبلىس اكىمى جىلۋمەن جابدىقتاۋ، جىلۋ ەلەكتر ورتالىعىن سالۋ، اۋىل شارۋاشىلىعىنىڭ الەۋەتىن ارتتىرۋ، مەكتەپتەر مەن اۋرۋحانالار جانە تاعى باسقا دا الەۋمەتتىك نىساندار سالۋ سياقتى وزەكتى ماسەلەلەر بار ەكەنىن جەتكىزدى.

نۇرلان ۇرانحايەۆ ايماقتىڭ ىشكى ينفراقۇرىلىمىن قالپىنا كەلتىرۋ باسىم مىندەتتەردىڭ ءبىرى ەكەنىن اتاپ ءوتتى. مەملەكەت باسشىسى اباي وبلىسىن قالپىنا كەلتىرۋ جولىنداعى تۇيتكىلدى ماسەلەلەردى جۇيەلى تۇردە شەشۋ تۋرالى تاپسىرما بەردى.