ەنەرگەتيكالىق سۋسىنداردان قاۋىپتى كونسەرۆانتتار تابىلدى - كوميتەت

None
None
نۇر- سۇلتان. قازاقپارات - قوستاناي وبلىسىنىڭ ساۋدا سورەلەرىندەگى ەنەرگەتيكالىق سۋسىنداردان قاۋىپتى كونسەرۆانتتار تابىلدى، دەپ حابارلايدى قازاقپارات سانيتاريالىق - ەپيدەميولوگيالىق باقىلاۋ كوميتەتىنە سىلتەمە جاساپ.

اتالعان كوميتەت قوستاناي وبلىسىنىڭ ساۋدا جەلىسىندە ساتىلاتىن ونىمدەردىڭ قاۋىپسىزدىگىن مونيتورينگتەۋ قورىتىندىسى بويىنشا «كوفەينمەن جانە تاۋرينمەن Flash up energyجانە «Monster Energy» الكوگولسىز ەنەرگەتيكالىق گازدالعان سۋسىندارداعى ناتري بەنزواتىنىڭ ارتقانىن انىقتادى. سۋسىنداردى وندىرۋشىلەر «بالتيكا» «سىراقايناتۋ كومپانياسى» ج ش ق (رەسەي فەدەراتسياسى) جانە «Refresco Benelux B.V» (نيدەرلاندى كورولدىگى) كومپانياسى بولىپ تابىلادى. ازىق- تۇلىكتى ۇزاق ۋاقىت ساقتاۋ ءۇشىن، تاعامدىق قوسپالار كونسەرۆانتتار رەتىندە قولدانىلادى. ونىمدەر پارتياسى ساتىلىمنان شىعارىلدى، ال جەتكىزۋشىگە ىشىمدىكتەردى ساتۋ اينالىمىنان الىپ تاستاۋ بويىنشا شارالار قابىلداۋ تاپسىرىلدى.

جۇكتىلىك كەزىندە قۇرامىندا ناتريي بەنزواتى بار تاعامدار مەن سۋسىنداردى قولدانۋ ۇسىنىلمايدى، ويتكەنى بۇل زات اللەرگيالىق رەاكتسيالار تۋدىرۋى مۇمكىن. كەيبىر ادامداردا كونسەرۆانتتىڭ ارتىق بولۋى لوكاليزاتسيالانعان قىشۋ، جوتەل، قىزارۋ، بورتپە، ءىسىنۋ سياقتى جەڭىل بەلگىلەردى تۋدىرۋى مۇمكىن. ناتريي بەنزواتى ورگانيزمدە جينالۋى مۇمكىن، بۇل وزدىگىنەن ءقاۋىپتى. بۇل اسىرەسە جاسوسپىرىمدەرگە قاتىستى.

كوميتەت رەسەيدىڭ «تۇتىنۋشىلاردىڭ قۇقىقتارىن قورعاۋ جانە ادامنىڭ ءال- اۋقاتىن باقىلاۋ قىزمەتىنە» (روس پوترەبنادزور) وسى وندىرۋشىلەردىڭ ونىمدەرىن زەرتحانالىق كۇشەيتىلگەن باقىلاۋعا الۋ تۋرالى حابارلاما جىبەردى.

سوڭعى جاڭالىقتار