عارىش مونيتورينگى قازبا بايلىقتى رۇقساتسىز قازىپ جاتقانداردى انىقتادى
سيفرلىق دامۋ، يننوۆاتسيالار جانە ايەروعارىش مينيسترلىگىنىڭ مالىمەتىنشە، كوسمومونيتورينگ ارقىلى 1,1 ميلليون گ ا جايىلىم، 19,6 ميلليون گ ا ەگىستىك جەرى يگەرىلمەي جاتقانى انىقتالعان.
«جەردىڭ سيفرلىق نۇسقاسىن جاساۋ بارىسىندا 2641 زاڭسىز اعاش كەسۋ پوليگونى، 6,5 ميلليون گ ا ورتەنگەن جەر، 7,3 مىڭ قوقىس ورنى بەلگىلى بولدى. سونداي- اق پايدالى قازبا بايلىقتاردى زاڭسىز ءوندىرۋ بويىنشا 21 وقيعا، جەردى زاڭسىز يەلەنۋ بويىنشا 391 مىڭ وقيعا انىقتالدى»، - دەلىنگەن مينيسترلىك مالىمەتىندە.
بۇدان وزگە ۆەدومستۆا نۇر- سۇلتان، الماتى جانە شىمكەنت قالالارىنداعى 5G تەحنولوگياسىن ەنگىزۋ بويىنشا سىناق جۇرگىزگەن. ستراتەگيالىق جوسپارلاۋ دەپارتامەنتىنىڭ ديرەكتورى مەيىربەك مۇقاتوۆ بۇل باعىتتاعى جۇمىس ءساتتى اياقتالعانىن مالىمدەدى. سونىمەن قاتار مينيسترلىك بيىل 140 اۋىلدا ينتەرنەت ساپاسىن جاقسارتۋ بويىنشا جۇمىستار جۇرگىزىپ جاتىر.
اۆتور: ءاليحان اسقار
