ب ۇ ۇ-نىڭ بولاشاعىنا قاتتى الاڭدايمىن - قاسىم- جومارت توقايەۆ

None
None
نۇر- سۇلتان. قازاقپارات - قاسىم- جومارت توقايەۆ «in Conversation with President Tokayev» اتتى ارنايى پانەلدىك سەسسياعا قاتىستى.

جيىنعا «Bloomberg Television» جۇرگىزۋشىسى مانۋس كرەنني مودەراتورلىق جاسادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

سۇراق- جاۋاپ فورماتىندا وتكەن اشىق تالقىلاۋ بارىسىندا قازاقستان پرەزيدەنتى حالىقارالىق ساياساتتاعى سىن- قاتەرلەر بويىنشا، اسىرەسە ەۋروپادا بولىپ جاتقان گەوساياسي تەكەتىرەستەر اياسىندا رەسەي- ۋكراينا قاقتىعىستارى توڭىرەگىندەگى وقيعالارعا قاتىستى ءبىرقاتار سۇراققا جاۋاپ بەردى. رەسەي- ۋكراينا قاقتىعىسىن بەيبىت جولمەن شەشۋ جولدارىنا قاتىستى سۇراققا جاۋاپ بەرگەن قازاقستان پرەزيدەنتى كەلىسسوزدەردى جالعاستىرا بەرۋدىڭ ماڭىزدى ەكەنىن اتاپ ءوتتى. قاسىم- جومارت توقايەۆتىڭ پىكىرىنشە، بۇل قاقتىعىستى شەشۋگە تاراپتاردىڭ ەرىك- جىگەرى قاجەت. سونىمەن قاتار مەملەكەت باسشىسى حالىقارالىق قاۋىمداستىقتاعى پىكىر قايشىلىعى مەن اتالعان ماسەلەنى شەشۋدە ب ۇ ۇ قاۋىپسىزدىك كەڭەسىنىڭ قاۋقارسىزدىق تانىتىپ وتىرعانىنا توقتالدى.

- ب ۇ ۇ ەشقاشان مۇنداي ىڭعايسىز جاعدايعا تاپ بولعان ەمەس. ءتىپتى «قىرعي- قاباق سوعىس» كەزىندە دە بىرىككەن ۇلتتار ۇيىمىنىڭ بىرلىگى بۇدان الدەقايدا مىعىم ەدى. مەن ب ۇ ۇ- نىڭ بولاشاعىنا قاتتى الاڭدايمىن. وسى رەتتە، كوپ قىرلى ساياساتقا سەنەمىن. بۇل رەتتە مەن حالىقارالىق قاۋىمداستىقتىڭ بىرلىك تانىتىپ، ىنتىماقتاسا وتىرىپ، ەكى مەملەكەتتىڭ بەيبىت بىتىمگە كەلۋى ءۇشىن وڭ ىقپال ەتۋى كەرەك دەپ سانايمىن، - دەدى مەملەكەت باسشىسى.

سونىمەن قاتار پرەزيدەنت رەسەيگە سالىنعان اۋىر سانكتسيالىق ساياسات سالدارىنان قازاقستان قانداي ەكونوميكالىق زارداپ شەگۋى مۇمكىن دەگەن مودەراتوردىڭ سۇراقتارىنا جاۋاپ بەردى. اشىق اڭگىمە بارىسىندا الەمدىك ەنەرگەتيكا نارىعىندا قالىپتاسقان قازىرگى جاعدايعا، حالىقارالىق ساۋدا ماسەلەسىنە بايلانىستى عالامدىق سىن- قاتەرلەر دە تالقىلاندى.


سوڭعى جاڭالىقتار