سولتۇستىك قىتايدىڭ باسىم بولىگىندە اپتاپ ىستىق ورنادى
ەلدىڭ وسى ايماقتارىنداعى قولايسىز اۋا رايىنا بايلانىستى قىزعىلت سارى دەڭگەيى جاريالاندى، دەپ حابارلايدى قازاقپارات مەنشىكتى ءتىلشىسى ق ح ر ۇلتتىق مەتەورولوگيالىق ورتالىعىنا سىلتەمە جاساپ.
بەيجىڭ، تيانجين جانە حىبي، شانشي، (سولتۇستىك قىتاي) پروۆينتسيالارىندا سەيسەنبى كۇنى تەرمومەتر 35 گرادۋستان جوعارى كوتەرىلدى، ال حىبي پروۆينتسياسىنىڭ كەيبىر اۋداندارىندا +40 بەلگىسىنەن اسىپ كەتتى.
قىتاي سينوپتيكتەرى كۇتىلەتىن اپتاپ ىستىققا بايلانىستى ەلدىڭ سولتۇستىك وڭىرلەرى تۇرعىندارىنا فيزيكالىق بەلسەندىلىك پەن كوشەدە بولۋ ۋاقىتىن ازايتۋدى ۇسىندى.
اۋا- رايىنىڭ توسىن سىيىن تسزيانسي پروۆينتسياسىنىڭ تۇرعىندارى دا باستان وتكەردى، وندا وتكەن دۇيسەنبىدە نوسەرلى جاڭبىردان كەيىنگى سۋ تاسقىنى سالدارىنان ەڭ جوعارى، قىزىل، قاۋىپتىلىك دەڭگەيى جاريالاندى. وسى پروۆينتسيانىڭ 485 مىڭعا جۋىق تۇرعىنى اپات سالدارىنان زارداپ شەكتى.
قىتايدا تابيعي اپاتتار تۋرالى ءتورت دەڭگەيلى حالىقتى ەسكەرتۋ جۇيەسى بار، ول كوك، سارى، قىزعىلت سارى جانە قىزىل.
