ەۋرازيالىق ەكونوميكالىق وداق قىزمەتىن ترانسفورماتسيالاۋ قاجەت – ق ر پرەمەر- ءمينيسترى
شاراعا ارمەنيا، بەلارۋس، قىرعىزستان جانە رەسەي ۇكىمەتتەرىنىڭ باسشىلارى قاتىستى، دەپ حابارلايدى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ. ءاليحان سمايىلوۆ ءوز سوزىندە بۇگىندە الەمدىك ساۋدانىڭ ەلەۋلى وزگەرىستەرگە ۇشىراپ وتىرعانىن اتاپ ءوتتى.
«شيەلەنىستىڭ كۇشەيۋى، پاندەميا داعدارىسى، جاھاندىق ساۋدا- ساتتىق جانە لوگيستيكالىق بايلانىستاردىڭ ءۇزىلۋى، گيپەرينفلياتسيا ءبىزدىڭ ەلدەردەگى تاۋار وندىرۋشىلەرگە دە، قىزمەت كورسەتۋشىلەرگە دە كەرى اسەرىن تيگىزدى. ەرەكشەلىگى سول، داعدارىس اۋىرتپالىعى شاعىن، ورتا جانە ءىرى بيزنەس نىساندارىنىڭ بارلىعىنا دا ءتۇسىپ وتىر»، - دەدى ق ر پرەمەر- ءمينيسترى.
قازاقستان ۇكىمەتى باسشىسىنىڭ پىكىرىنشە، قازىرگىدەي قيىن- قىستاۋ جاعدايدا وڭىرلىك بىرلەستىكتەر تۋىنداعان پروبلەمالاردى شەشۋدە جەتەكشى ءرول اتقارادى. ول جاڭا كولىك ارتەريالارىن قۇرۋ جانە دامىتۋ جولىمەن ەۋروپا مەن ازيانىڭ جۇكتەرىن ە ا ە و ەلدەرىنە تاسىمالداۋ جانە سول ەلدەردىڭ اۋماعى ارقىلى تاسىمالداۋ ۋاقىتىن قىسقارتۋ مەن جەڭىلدەتۋدىڭ ماڭىزدىلىعىن ەرەكشە اتاپ ءوتتى. «جاڭا جاعداي» ەۋرازيالىق ەكونوميكالىق وداق قىزمەتىن ترانسفورماتسيالاۋدى قاجەت ەتەدى»، - دەگەن ءاليحان سمايىلوۆ بۇل باعىتتاعى باسىم مىندەتتەردى اتاپ كورسەتتى.
ق ر پرەمەر- ءمينيسترىنىڭ ايتۋىنشا، ە ا ە و ءوڭىرىنىڭ بيزنەستى دامىتۋ ءۇشىن الەۋەتى زور، الايدا بۇعان كوبىنەسە كەلىسىم- شارتتىق بازانىڭ جەتىلمەگەندىگىمەن جانە ەلدىك پروتەكتسيونيزممەن بايلانىستى كەدەرگىلەر بوگەت جاساپ وتىر.
«ەكونوميكالىق بىرلەستىكتىڭ جەتىستىگى ونىڭ بارلىق مۇشەلەرىنىڭ ءىس- ارەكەتىنە بايلانىستى. وزدەرىڭىز بىلەتىندەي، قانداي دا ءبىر كەدەرگىلەر توسقاۋىلدىڭ تۋىنداۋىنا سەبەپ بولادى. مەملەكەتتەرىمىزدىڭ ەكونوميكاسىنىڭ ءوسۋى مەن ازاماتتاردىڭ ءال- اۋقاتىن ارتتىرۋدىڭ ماڭىزدى شارتى بولىپ تابىلاتىن ەركىن نارىقتى قامتاماسىز ەتۋدە كۇش- جىگەردى بىرىكتىرۋىمىز قاجەت»، - دەدى ق ر ۇكىمەتىنىڭ باسشىسى. سونداي- اق قۇرامداس بۇيىمداردى، شيكىزاتتى جانە دايىن ونىمدەردى جەتكىزۋدەگى ىركىلىستەر ونەركاسىپ كووپەراتسياسىنىڭ جەتكىلىكسىز دەڭگەيدە ەكەنىن كورسەتىپ بەردى.
«ءىس جۇزىندە ونەركاسىپتىڭ بارلىق سالالارىندا - ماشينا جاساۋ مەن جوعارى تەحنولوگيالىق سالالاردان باستاپ تاماق ونىمدەرى مەن مەديتسينالىق بۇيىمدار وندىرىسىنە دەيىن ناقتى كووپەراتسيالىق جوبالار قاجەت. يننوۆاتسيالىق جانە باسەكەگە قابىلەتتى ءونىم جاساۋ ءۇشىن ناقتى جوبالارعا كوڭىل ءبولۋدى ۇسىنامىن»، - دەدى ءاليحان سمايىلوۆ.
سونىمەن قاتار ق ر پرەمەر- ءمينيسترى قازاقستاندىق بيزنەس ءۇشىن اسا ماڭىزدى ماسەلەلەردىڭ ءبىرى ە ا ە و- نىڭ بارلىق اۋماعى بويىنشا كەدەرگىسىز ءترانزيتتى قامتاماسىز ەتۋ ەكەنىن اتاپ ءوتتى. وسىعان بايلانىستى ول ارىپتەستەرىن جەدەلدەتىلگەن جانە وڭايلاتىلعان ءترانزيتتى، ونىڭ ىشىندە تسيفرلىق تەحنولوگيالاردى پايدالانا وتىرىپ قامتاماسىز ەتۋ ماسەلەسىندە نەعۇرلىم يكەمدى جانە سىندارلى بولۋعا شاقىردى.
«ە ا ە و مۇشەلەرى بىرلەستىكتىڭ نەگىزگى قاعيداتتارىنا بەرىكتىگىن ساقتاعان جاعدايدا، قازىرگىدەي كۇردەلى كەزەڭدە ەۋرازيالىق ەكونوميكالىق ينتەگراتسيانىڭ بارلىق قاتىسۋشىلارى ءۇشىن ءتيىمدى بولاتىنىنا سەنىمدىمىن. بۇل رەتتە بارلىق ەلدەرگە ءتيىمدى بولاتىن دامۋ جولىنا ءتۇسۋى ءۇشىن ۇلتتىق مۇددەلەر مەن ينتەگراتسيالىق پروتسەستەر اراسىنداعى تەڭگەرىمدى تابۋ قاجەت»، - دەپ تۇيىندەدى ءاليحان سمايىلوۆ.
