ق ر پرەزيدەنتى قاتار امىرىمەن كەزدەستى
كەزدەسۋ بارىسىندا مەملەكەتتەر باسشىلارى قازاقستان مەن قاتار اراسىنداعى ىنتىماقتاستىقتىڭ قازىرگى جاعدايىن جانە دامۋ پەرسپەكتيۆالارىن جان- جاقتى تالقىلادى.
كوشباسشىلار ساۋدا- ەكونوميكالىق بايلانىستاردى نىعايتۋعا جانە بىرلەسكەن ينۆەستيتسيالىق جوبالاردى جۇزەگە اسىرۋعا ءوزارا نيەتتى ەكەنىن راستادى. مەملەكەت باسشىسى ەكونوميكالىق ىنتىماقتاستىقتىڭ پەرسپەكتيۆالارى تۋرالى ايتا كەلە، ەكى ەل اراسىنداعى ءوزارا ساۋدا- ساتتىق كورسەتكىشتەرىن ارتتىرۋ ماڭىزدى ەكەنىنە توقتالدى. پرەزيدەنت ەكى مەملەكەتتىڭ ۇكىمەتتەرى مەن ىسكەر توپتارى اراسىنداعى ىقپالداستىقتى جانداندىرۋدى ۇسىندى.
«ءبىزدىڭ ءبىرقاتار ينۆەستيتسيالىق جوبالارىمىز بار. بۇگىن سولاردى سىزدەرمەن بىرلەسىپ تالقىلاۋعا دايىنبىز. قازاقستان كومپانيالارى وسى باعىتتا قاتار بيزنەسىمەن تىعىز ىقپالداستىق ورناتۋعا نيەتتى»، - دەدى مەملەكەت باسشىسى.
قاسىم- جومارت توقايەۆ قاتار ءامىرىن وزىنە ىڭعايلى ۋاقىتتا قازاقستانعا رەسمي ساپارمەن كەلۋگە شاقىردى. ءوز كەزەگىندە شەيح تاميم بەن حاماد ءال ءتاني دوحانىڭ قازاقستانمەن كوپجاقتى ەكونوميكالىق جانە ينۆەستيتسيالىق ىنتىماقتاستىقتى دامىتۋعا مۇددەلى ەكەنىن مالىمدەدى.
«بۇگىنگى ەكونوميكالىق فورۋمعا قازاقستاننىڭ قاتىسقانى - مەن ءۇشىن ۇلكەن مارتەبە. ءبىزدىڭ ءوزارا سەنىمگە نەگىزدەلگەن قارىم- قاتىناسىمىز وتە جاقسى. بىرلەسكەن جوبالاردى، اسىرەسە، اۋىل شارۋاشىلىعى سالاسىندا جۇزەگە اسىرۋعا دايىنبىز. بۇل ەلىمىز ءۇشىن باسىم باعىت جانە جۋىق ارادا اگروونەركاسىپ كەشەنىندەگى بىرلەسكەن جوبالاردى ەگجەي- تەگجەيلى تالقىلاۋ ءۇشىن ارنايى توپ جىبەرەمىز»، - دەدى قاتار ءامىرى.
اڭگىمە سوڭىندا تاميم بەن حاماد ءال ءتاني قازاقستانعا شاقىرعانى ءۇشىن قاسىم- جومارت توقايەۆقا العىس ايتىپ، جاقىن ارادا ەلىمىزگە ساپارمەن كەلۋگە نيەتتى ەكەنىن ناقتىلادى.
