قىتايدا ۇستالعان اقجارقىن تۇرلىبايدىڭ ىسىنە قاتىستى تىڭ دەرەك شىقتى
بۇل تۋرالى اقجارقىننىڭ ادۆوكاتى سۇڭقار نۇرماعامبەتوۆ حابارلادى.
«الدىن الا مالىمەت بويىنشا 2014 -جىلى اقجارقىن تۇرلىبايدىڭ قىتايعا ساپارىن ۇيىمداستىردى دەگەن كۇدىككە ىلىنگەن نيگەريا ازاماتى اديندو نونسو فورتۋنە «دجونني» شەت مەملەكەتتىڭ اۋماعىندا ۇستالدى»، - دەپ حابارلادى ادۆوكات سۇڭقار نۇرماعامبەتوۆ.
قازاقستاندىق ديپلوماتتار اقجارقىن تۇرلىبايمەن ۇنەمى بايلانىستا. اقجارقىن تۇرلىباي 2014 -جىلدىڭ ناۋرىز ايىندا قىتايدىڭ گۋاڭجوۋ قالاسىنىڭ اۋەجايىندا ۇستالدى.
ول نيگەريا ازاماتتارىنىڭ گۋاڭجوۋدان مالايزياعا برەند كيىمدەرىن تاسىمالداۋعا كەلىسكەن. گۋاڭجوۋدان شىققان كەزدە ونىڭ سومكەسىنەن ەسىرتكى تابىلدى. اقجارقىن ەسىرتكى تۋرالى بىلمەيتىنىن ايتادى. نيگەريالىق ەسىرتكى ترافيگىن ۇيىمداستىرۋشىلار ءالى ۇستالعان جوق.
اقجارقىن تۇرلىباي سوت ۇكىمىن ءبىر جىلدان بەرى كۇتىپ وتىر. ماۋسىمدا قازاقستاندىق ديپلوماتتار قىتايدا سوتتالعان قازاقستاندىق اقجارقىن تۇرلىبايدىڭ كولونيادا يوگا مەن اعىلشىن ءتىلىن ۇيرەتىپ جۇرگەنىن حابارلادى.
دەرەككوز aikyn.kz
