قىتايدا اتى اڭىزعا اينالعان كەمە-مەيرامحانا سۋعا باتىپ كەتتى

None
None
نۇر-سۇلتان. قازاقپارات - گونكونگتەگى ايگىلى Jumbo اتتى كەمە- مەيرامحانا وڭتۇستىك قىتاي تەڭىزىنە اپارا جاتقان كەزدە سۋعا باتىپ كەتتى، - دەپ حابارلايدى Daily Mail.

گونكونگتىڭ ايگىلى جەرى بولعان Jumbo Kingdom «جۇزەتىن سارايى» 50 جىلعا جۋىق تۇرعان پورتتان شىعارىلعانىنا بىرنەشە كۇن وتكەن سوڭ باتىپ كەتكەن.


Aberdeen Restaurant Enterprises مالىمەتتەرىنە سايكەس، مەيرامحانا سەكىلدى كەمە پاراسەل ارالدارى دەگەن اتاۋعا يە سيشا ارالدارىنىڭ ماڭىنان جۇزگەن كەزىندە قولايسىز جاعدايعا تاپ بولعان، ءسويتىپ، سۋعا باتىپ كەتكەن.

ەكيپاج مۇشەلەرى زارداپ شەكپەگەن، ءبىراق كەمەنى قۇتقارۋ مۇمكىن بولماعان.

ۇزىندىعى 80 مەترگە جۋىق Jumbo مەيرامحاناسى قىرىق جىل ىشىندە گونكونگتىڭ كورىكتى جەرى بولعان. وندا 3 ميلليوننان اسا قوناق، سونىڭ ىشىندە ۇلى بريتانيا پاتشايىمى ەليزاۆەتا II مەن اكتەر توم كرۋز بولعان.

الايدا پاندەميا باستالعاننان بەرى نىسان جابىق بولعان. شىعىن، قىمبات تەحنيكالىق قىزمەت كورسەتۋدىڭ قيىندىقتارىنا بايلانىستى وپەراتور ونى جەرگىلىكتى «مۇحيت ساياباعىنا» تەگىن بەرۋگە شەشىم قابىلداعان، ءبىراق وندا دا وسى سەبەپتەرگە بايلانىستى قابىلدانباعان. ناتيجەسىندە ولار مەيرامحانانى وڭتۇستىك- شىعىس ازياداعى قالاعا اپارىپ، شەتەلدە ءارى قاراي جالعاستىرۋدى ۇيعارعان.


سوڭعى جاڭالىقتار