ەلىمىزدە سالىناتىن ا ە س قۇرىلىسىنا قانشا قاراجات جۇمسالادى

None
نۇر- سۇلتان. قازاقپارات - ەلىمىزدە ا ە س- ءتىڭ ەكى رەاكتورىنىڭ قۇرىلىسىنا 10-12 ميلليارد دوللار جۇمسالۋى مۇمكىن.

بۇل تۋرالى «سامۇرىق- قازىنا» ا ق- ءنىڭ ەنشىلەس كاسىپورنى «قازاقستان اتوم ەلەكتر ستانسيالارى» ج ش س باسپا ءسوز قىزمەتى مالىمدەدى، دەپ حابارلايدى قازاقپارات.

«الدىن الا ەسەپتەۋلەر بويىنشا، قازاقستاندا ءارقايسىسىنىڭ قۋاتى 1,4 مىڭ م ۆ ت بولاتىن 2 رەاكتورلى ا ە س سالۋ كەرەك. بولجام بويىنشا ونىڭ قۇرىلىسىنا 10-12 ميلليارد دوللار قاجەت. سونداي- اق، ا ە س- ءتى پايدالانۋ مەرزىمىن 60 جىلدان 100 جىلعا دەيىن ۇزارتۋ مۇمكىندىگىن قاراستىرامىز. جالپى، ا ە س قۇرلىسىن نەسيە بەرۋ ارقىلى نەمەسە كوممەرتسيالىق جوبا اياسىندا سالۋ ۇسىنىلادى»، - دەپ كورسەتىلگەن حابارلامادا.

«قازاقستان اتوم ەلەكتر ستانتسيالارى» سەرىكتەستىگىنىڭ مالىمەتىنشە، ەلىمىزدە ا ە س سالۋعا 6 شەتەلدىك كومپانيا نيەت بىلدىرگەن.

«ەلىمىزدە ا ە س سالۋعا نيەتتى KHNP (وڭتۇستىك كورەيا)، EDF (فرانسيا)، روساتوم (رەسەي)، NuScale Power (ا ق ش)، CNNC (قىتاي)، General Electric-Hitachi (ا ق ش پەن جاپونيانىڭ بىرلەسكەن كومپانياسى) كاسىپورىندارىنان ۇسىنىس ءتۇستى. ءبىز 3 نەمەسە 3+ بۋىنىنا سايكەس كەلەتىن رەاكتورلاردى سالۋدى قاراستىرىپ وتىرمىز، ويتكەنى ولار قاۋىپسىز. بۇل باعىتتا ءبىزدىڭ تالاپتارعا ساي كەلەتىن رەسەي، كورەيا، فرانسيا جانە قىتاي كومپانيالارىنىڭ رەاكتورلارى بار. ال، شاعىن جانە ورتا قۋاتتى رەكتورلاردى ا ق ش- تىڭ General Electric-Hitachi جانە NuScale كومپانيالارىنان الۋ بويىنشا كوممەرتسيالىق جۇمىستار پىسىقتالىپ جاتىر»، - دەلىنەدى سەرىكتەستىك مالىمدەمەسىندە.

اقپاراتقا قاراعاندا، ا ە س شامامەن 6 جىلدا سالىنادى. دەگەنمەن، ۇسىنىستى قوعامدىق تالقىلاۋدان وتكىزۋگە، قاجەتتى قۇجاتتار دايىنداۋعا دا ۋاقىت كەرەك. جالپى العاندا، بۇل پروتسەسس 10 جىل مەرزىمدى قامتيدى.

اۆتور: ءاليحان اسقار


سوڭعى جاڭالىقتار