قىتايمەن اراداعى ءوزارا ساۋدا ستاتيستيكاسىنداعى الشاقتىق تا بۇرىنعى كۇيىندە قالىپ وتىر – دەپۋتات

None
None
نۇر- سۇلتان. قازاقپارات – ق ر پارلامەنت ءماجىلىسىنىڭ دەپۋتاتى سەرگەي سيمونوۆ سالىقتى اكىمشىلەندىرۋ ىسىندەگى ولقىلىقتار ۇلتتىق قورعا كەرى اسەر ەتىپ جاتقانىن ايتتى، دەپ حابارلايدى قازاقپارات ءتىلشىسى.

«الەمدەگى ەكونوميكالىق جاعداي وڭاي بولماي تۇر. مۇندايدا سالىق جيناۋ، كەدەندىك جانە وزگە دە مىندەتتەمەلەردى اكىمشىلەندىرۋ ءىسىن تىڭعىلىقتى جۇرگىزۋ وزەكتى بولا تۇسەدى. 2021 -جىلى كەيبىر جوسپارلى كورسەتكىشتەر ورىندالعانىنا قاراماستان، زاڭسىزدىقتار مەن كەمشىلىكتەر بار. سالىقتىق اكىمشىلەندىرۋدىڭ السىزدىگىنەن ۇلتتىق قورعا تاۋەلدىلىك ارتىپ وتىر. بۇعان دەيىنگى جىلدار سياقتى كىرىستەردىڭ ۇشتەن ءبىر بولىگىنەن استامى ۇلتتىق قوردان الىنعان. كەيىنگى ءۇش جىلدا بۇل كورسەتكىش جوعارى بولىپ تۇر. ۇكىمەتتىڭ ەسەبى بويىنشا، 2021 -جىلى سالىقتىق جانە كەدەندىك اكىمشىلەندىرۋدى جەتىلدىرۋدىڭ ارقاسىندا رەسپۋبليكالىق بيۋدجەتكە 683,6 ميلليارد تەڭگە قوسىمشا كىرىس تۇسكەن. الايدا، ەسەپ كوميتەتىنىڭ باعالاۋى بويىنشا، بۇل شارالاردان 378 ميلليارد تەڭگە عانا تۇسكەن. ياعني، % 44,7 پايىز از»، - دەدى مينيسترلىك پارلامەنتتىڭ بىرلەسكەن وتىرىسىندا.

دەپۋتاتتىڭ مالىمەتى بويىنشا، 2022 -جىلدىڭ 1- قاڭتارىندا رەسپبۋليكالىق بيۋدجەتتىڭ كىرىس تولىمسىزدىعى 451 ميلليارد تەڭگە بولعان. بۇل 2020 -جىلمەن سالىستىرعاندا 4 ەسە كوپ. ياعني تولىمسىزدىق 387 ميلليارد تەڭگە وسكەن.

«قىتايمەن اراداعى ءوزارا ساۋدا ستاتيستيكاسىنداعى الشاقتىق تا بۇرىنعى كۇيىندە قالىپ وتىر. جىلدار بويى قولعا الىنعان شارالار كۇتكەن ناتيجەنى بەرمەدى. ەسەپ 5,7 ميلليارد دوللار بولعان. ال كەيىنگى ءۇش جىلدا بۇل سوما 17 ميلليارد دوللارعا جەتكەن. وسىلايشا كەدەندىك باجدى قوسپاعاندا قوسىمشا قۇن سالىعىنان عانا بيۋدجەتكە تۇسەتىن 1 ميلليارد دوللار جەلگە ۇشىپ جاتىر. قازاقستاننىڭ وزگە دە ساۋدا سەرىكتەستەرىمەن ستاتيستيكالىق اۋىتقۋلار تىركەلىپ وتىر»، - دەگەن ءماجىلىس وكىلى قارجى ءمينيسترىنىڭ كەيىنگى 11 جىلدان بەرى سالىقتىق جانە كەدەندىك اكىمشىلەندىرۋ ءىسىن ءبىر اقپاراتتىق جۇيەگە كىرىكتىرە الماي كەلە جاتقانىن سىنادى.

ال ەسەپ كوميتەتىنىڭ ءتوراعاسى ناتاليا گودۋنوۆانىڭ مالىمەتى بويىنشا، ۇلتتىق قوردان الىنعان قاراجات تۇسكەن كىرىستەن اسىپ كەتكەن.

اۆتور: ەسىمجان ناقتىباي

سوڭعى جاڭالىقتار