شي جينپيڭ قازاقستان پرەزيدەنتىن «ب ر ي ك س» سامميتىنە قاتىسۋعا شاقىردى

نۇر- سۇلتان. قازاقپارات - اقوردا وسى اپتادا پرەزيدەنت قاسىم- جومارت توقايەۆتىڭ قاتىسۋىمەن وتەتىن ءىس- شارالار كەستەسىن ۇسىندى، دەپ حابارلايدى قازاقپارات.

21- ماۋسىمدا مەملەكەت باسشىسى اقوردادا قازاقستان شاحمات فەدەراتسياسىنىڭ وكىلدەرىمەن جانە وتاندىق تانىمال شاحماتيستەرمەن كەزدەسەدى.

23- ماۋسىمدا قاسىم- جومارت توقايەۆ قازاقستان پوليتسياسىنىڭ 30 جىلدىعىنا ارنالعان سالتاناتتى ءىس- شاراعا قاتىسادى.

24- ماۋسىمدا پرەزيدەنت قاسىم- جومارت توقايەۆ ق ح ر ءتوراعاسى شي جينپيڭنىڭ شاقىرۋىمەن جاھاندىق دامۋ جونىندەگى جوعارى دەڭگەيدەگى «ب ر ي ك س+» ديالوگىنىڭ سامميتىندە بەينەبايلانىس ارقىلى ءسوز سويلەيدى.

ب ر ي ك س – ەكونوميكالارى دامىپ كەلە جاتقان بەس مەملەكەتتەن تۇراتىن توپ (برازيليا، رەسەي، ءۇندىستان، قىتاي جانە وڭتۇستىك افريكا). وسى ەلدەردىڭ باس ارىپتەرىنەن قۇرالعان بريكس ۇيىمىنىڭ BRICS - اتاۋى قىسقارتىلعان ءسوز. BRIC تەرمينىن 2003 -جىلى Goldman Sachs كومپانياسىنىڭ وكىلى دجيم ونيل ۇسىنعان.