پرەزيدەنت پەتەربۋرگ فورۋمىندا جايىق وزەنىنىڭ ەكولوگيالىق قيىن جاعدايى تۋرالى ايتتى

سانكت-پەتەربۋرگ. قازاقپارات - مەملەكەت باسشىسى قاسىم-جومارت توقايەۆ ەاەو ەلدەرىنىڭ ەكولوگيالىق ماسەلەلەرىن بىرلەسىپ شەشۋدى ۇسىندى، دەپ حابارلايدى قازاقپارات ءتىلشىسى.

«ءبىز «جاسىل» ينۆەستيتسيالاردى ارتتىرۋ مەن ءتيىستى جوبالاردى ىسكە اسىرۋ مۇمكىندىكتەرىن جۇيەلى تۇردە كەڭەيتۋدى جوسپارلاپ وتىرمىز. ەكولوگيالىق پروبلەمالار جاھاندىق سيپاتتا بولادى جانە الەمنىڭ بارلىق دەرلىك ەلىنە، سونىڭ ىشىندە قازاقستانعا دا اسەر ەتتى. ماسەلەن وتكەن جىلى جاۋىن- شاشىن مەن وزەندەردەگى سۋدىڭ از بولۋىنان كوپتەگەن فەرمەرلەر قۇرعاقشىلىقتان زارداپ شەكتى. ترانسشەكارالىق جايىق وزەنى ءقازىر قيىن جاعدايدا»، - دەدى قازاقستان پرەزيدەنتى پەتەربۋرگتەگى XXV حالىقارالىق ەكونوميكالىق فورۋمدا.

ق. توقايەۆ مەملەكەتتەردىڭ ورنىقتى دامۋىنا تونگەن وسىنداي ۇزاقمەرزىمدى سىن- قاتەرلەردى بىرلەسىپ شەشۋ كەرەگىن ايتتى.

«تۇيىق سيكل ەكونوميكاسى» - سيركۋليارلىق ەكونوميكا قاعيداتتارىن ەنگىزۋ كەلەشەگىن قاراۋىمىز كەرەك دەپ ويلايمىن. ءبىز ءج ءى ءو-نىڭ ەنەرگيا سىيىمدىلىعىن ازايتۋ، جاڭارتىلاتىن ەنەرگەتيكا سەكتورىن كەڭەيتۋ جانە وسى سالاداعى ترانزيتتىك شىعىنداردى ازايتۋ بويىنشا جۇمىس ىستەپ جاتىرمىز»، - دەدى قاسىم-جومارت توقايەۆ.

ايتا كەتەيىك، قاسىم-جومارت توقايەۆ پەتەربۋرگتەگى حالىقارالىق ەكونوميكالىق فورۋمعا قاتىسىپ جاتىر. سەسسيادا قازاقستان پرەزيدەنتى قاسىم-جومارت توقايەۆ، سونداي-اق بەينەكونفەرەنسيا بايلانىسى ارقىلى ەگيپەت پرەزيدەنتى ابدۋل- فاتتاح اس-سيسي ءسوز سويلەيدى. فورۋم قاتىسۋشىلارىنا قىتاي حالىق رەسپۋبليكاسىنىڭ ءتوراعاسى شي جينپيڭ بەينەۇندەۋ جولدايدى. سپيكەرلەر ءسوز سويلەپ بولعان سوڭ سۇراق- جاۋاپ فورماتىندا اشىق پىكىرتالاس وتەدى.

اۆتور: ايجان سەرىكجان قىزى