ەۋرازيالىق ەكونوميكالىق وداق ازيا جانە تاياۋ شىعىسپەن بەلسەندە تۇردە ساۋدا جاساۋى كەرەك – ق ر پرەزيدەنتى

سانكت-پەتەربۋرگ. قازاقپارات - ەۋرازيالىق ەكونوميكالىق وداق ازيا مەن تاياۋ شىعىس نارىقتارىن قامتي وتىرىپ بەلسەندى ساۋدا ساياساتىن جۇرگىزۋى كەرەك.

بۇل تۋرالى پەتەربۋرگ حالىقارالىق ەكونوميكالىق فورۋمىنىڭ پلەنارلىق وتىرىسىنا قازاقستان پرەزيدەنتى قاسىم- جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

مەملەكەت باسشىسى ەۋرازيالىق ەكونوميكالىق وداق اياسىندا رەسەي قازاقستان ءۇشىن باستى ساۋدا- ەكونوميكا سالاسىنداعى سەرىكتەس ەكەنىن اتاپ ءوتتى.

«بىلتىر ەكى ەلدىڭ ءوزارا ساۋدا اينالىمى ۇشتەن بىرگە ارتىپ، 24 ميلليارد دوللارعا جەتتى. ءبىز ءۇشىن بۇل - رەكورد. بيىل بۇل باعىتتاعى وڭ قارقىن ساقتالىپ وتىر. جاڭا جاعدايدى ەسكەرە وتىرىپ، ەۋرازيالىق ەكونوميكالىق وداق اياسىندا جاڭا ساۋدا ستراتەگياسىن ازىرلەۋمەن اينالىسقان ورىندى ءارى پايدالى بولار ەدى. تيىمدىلىگى كۇماندى كونترسانكسيانىڭ ورنىنا ازيا مەن تاياۋ شىعىس نارىعىن تۇتاس قامتيتىن بەلسەندى ءارى وڭتايلى ساۋدا ساياساتىن جۇرگىزگەن ءجون. قازاقستان قانداي دا ءبىر «بۋفەرلىك نارىق» قىزمەتىن اتقارار ەدى. جالپى، ەۋرازيالىق ينتەگراتسيانىڭ تۇبەگەيلى جەتىستىككە جەتۋى ءبىزدىڭ بىرلەسكەن ساۋدا ستراتەگيامىزدىڭ تيىمدىلىگىنە بايلانىستى»، - دەدى قاسىم-جومارت توقايەۆ.

سونىمەن قاتار مەملەكەت باسشىسى قازاقستان مەن رەسەي اراسىنداعى ونەركاسىپ كووپەراتسياسىن مۇلدە جاڭا دەڭگەيگە كوتەرۋدىڭ پەرسپەكتيۆاسى زور ەكەنىن اتاپ ءوتتى.

پرەزيدەنت رەسەيلىك ينۆەستورلارعا ءتيىستى ينفراقۇرىلىمى بار ونەركاسىپ الاڭدارىن ۇسىنۋعا جانە قولايلى جاعداي جاساۋعا ءازىر ەكەنىن مالىمدەدى.

اۆتور: رۋسلان عابباسوۆ