وزبەكستاندا كوروناۆيرۋس جۇقتىرعاندار سانى ءوستى

تاشكەنت. ءوزا- قازاقپارات - وزبەكستاندا كوروناۆيرۋس ىندەتىن جۇقتىرعاندار سانى ءوستى. كەشە ينفەكتسيا جۇقتىرعان 59 ازامات تىركەلگەن. بۇل تۋرالى قازاقپارات ءو ز ا سىلتەمە جاساپ حابارلايدى.

«2022 -جىلدىڭ 16-ماۋسىم كۇنگى جاعداي بويىنشا وزبەكستاندا تىركەلگەن كوروناۆيرۋستىق ينفەكتسيالاردىڭ سانى - 239435 (+59) جەتتى»، - دەلىنگەن وزبەكستاننىڭ د س م حابارلاماسىندا.

جاڭادان ىندەت جۇقتىرعاندار ءاندىجان (2 ادام)، بۇحارا (1 ادام)، سامارقاند (2 ادام)، سۇرحانداريا (4 ادام)، فەرعانا (1 ادام)، تاشكەنت وبلىستارىندا (4 ادام) جانە تاشكەنت قالاسىندا (45 ادام) انىقتالعان.

سونىمەن قاتار وتكەن تاۋلىكتە رەسپۋبليكانىڭ ءتورت ايماعىنان 37 ازامات ساۋىعىپ، ەلدەگى ساۋىققانداردىڭ جالپى سانى 237549 عا جەتكەنى ايتىلادى. قازىرگى ۋاقىتتا ەلدەگى ساۋىعۋ كورسەتكىشى 99 پايىزدى قۇراۋدا.