قاسىم-جومارت توقايەۆ ەڭبەكقورلىقتى بالا تاربيەسىنە ەنگىزۋدى ۇسىندى

None
None
ۇلىتاۋ. قازاقپارات - ەڭبەكقورلىق - جاڭا قازاقستاننىڭ باستى قۇندىلىقتارىنىڭ ءبىرى بولۋى كەرەك. بۇل تۋرالى ق ر پرەزيدەنتى قاسىم-جومارت توقايەۆ ۇلتتىق قۇرىلتايدىڭ العاشقى وتىرىسىندا ايتتى، دەپ حابارلايدى قازاقپارات ءتىلشىسى

«الەمدە ەڭبەكتى باسەكەلەستىك دەڭگەيىنە كوتەرگەن مەملەكەتتەر بار. سونىڭ ارقاسىندا ولار ساپالى ونىمدەرىمەن جەر ءجۇزىن مويىنداتىپ وتىر. بۇل حالىقتار ءوز ۇرپاعىن جاس كەزىنەن تىنباي جۇمىس ىستەۋگە باۋليدى. سولاردىڭ تاجىريبەسىن وزىمىزگە بەيىمدەپ، بالا تاربيەسىنە ەنگىزۋ جايىن قاراستىرعان ءجون»، - دەدى پرەزيدەنت.

مەملەكەت باسشىسى «تولىق ادام» ۇعىمى تۋرالى دا وي تولعادى.

«حالقىمىز «ەڭبەك - ىرىستىڭ بۇلاعى، باقىتتىڭ شىراعى» دەپ بەكەر ايتپاعان. جاڭا قازاقستاندا ەڭبەكقور ادام ەڭ سىيلى ادام بولۋعا ءتيىس. ءبىز وسكەلەڭ ۇرپاقتى ادال ەڭبەككە باۋلىپ، جاھاندىق نارىقتا باسەكەگە قابىلەتتى ەتىپ تاربيەلەۋىمىز قاجەت. ماڭداي تەرمەن تاپقان ءار تيىن - ناعىز اردىڭ ءىسى، اباي ايتقان «تولىق ادامنىڭ» ەڭبەگى ەكەنىن جاستاردىڭ ساناسىنا توقۋىمىز قاجەت»، - دەدى قاسىم-جومارت توقايەۆ.

ايتا كەتەيىك، پرەزيدەنت ۇلىتاۋ وبلىسىنا جۇمىس ساپارى اياسىندا ۇلتتىق قۇرىلتايدىڭ العاشقى وتىرىسىنا قاتىسىپ جاتىر.

سوڭعى جاڭالىقتار