قۇرىلتايدا حالىقتىڭ ءۇنى شىن مانىندە ەستىلۋى ءتيىس - مەملەكەت باسشىسى

None
None
ۇلىتاۋ. قازاقپارات - قۇرىلتاي ەل بىرلىگىن نىعايتاتىن، قوعامدى ۇيىستىراتىن تىڭ يدەيالار ورتالىعى بولاتىنا كامىل سەنەمىن.

بۇل تۋرالى ۇلىتاۋ وبلىسىندا ءوتىپ جاتقان ۇلتتىق قۇرىلتايدىڭ وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«قۇرىلتايعا پارلامەنت دەپۋتاتتارى، ساياسي پارتيالار مەن قازاقستان حالقى اسسامبلەياسىنىڭ مۇشەلەرى دە شاقىرىلدى. ۇكىمەتتىك ەمەس جانە كاسىبي ۇيىمداردىڭ وكىلدەرى دە شەت قالعان جوق. قۇرىلتاي قۇرامىنا وڭىرلىك قوعامدىق كەڭەستەردىڭ مۇشەلەرىن قوستىق. مەن ۇلتتىق قۇرىلتاي اتىنا زاتى ساي بولىپ، ەل ءۇمىتىن اقتايدى دەپ سەنەمىن. بىزدە ءتۇرلى پىكىرتالاس الاڭدارى بار، ءبىراق قۇرىلتايدىڭ ورنى ءبىر بولەك. قۇرىلتاي - كەڭ اۋقىمدى جيىن. ءبىراق بۇل جۇمىستىڭ ساپاسىنا كەرى اسەر ەتپەۋى كەرەك»، - دەدى قاسىم-جومارت توقايەۆ.

وسى ورايدا پرەزيدەنت وتىرىستاردى دۇرىس ۇيىمداستىرۋ كەرەك ەكەنىن قاداپ ايتتى.

«بۇل جەردە حالىقتىڭ ءۇنى شىن مانىندە ەستىلۋى ءتيىس. كەز كەلگەن ادامدى قۇرىلتايعا قاتىستىرۋعا بولمايدى. جۇرتتىڭ مۇڭ- مۇقتاجىن، تالاپ-تىلەگىن جەتكىزەتىن ازاماتتار باس قوسۋى كەرەك. بۇل ەل بىرلىگىن نىعايتاتىن، قوعامدى ۇيىستىراتىن تىڭ يدەيالار ورتالىعى بولاتىنا كامىل سەنەمىن»، - دەدى مەملەكەت باسشىسى.

ايتا كەتەيىك، بۇگىن پرەزيدەنت جاڭادان قۇرىلعان ۇلىتاۋ وبلىسىنا جۇمىس ساپارىمەن كەلگەن بولاتىن.

كەشە مەملەكەت باسشىسىنىڭ ۇلتتىق قۇرىلتاي قۇرۋ تۋرالى جارلىعى جاريالاندى .

ۇلتتىق قۇرىلتايدىڭ قازىرگى قۇرامىندا ءماجىلىس دەپۋتاتتارى مەن ق ح ا مۇشەلەرىنەن، ازاماتتىق قوعام مەن ساياسي پارتيا وكىلدەرىنەن، ساراپشىلار مەن وڭىرلەردەگى قوعامدىق كەڭەس مۇشەلەرىنەن، كاسىپكەرلەردەن جاساقتالعان 117 ادام بار.

سوڭعى جاڭالىقتار