جاڭا قازاقستاننىڭ ەكونوميكالىق ساياساتىن ازىرلەۋگە كىرىستىك - ۇكىمەت باسشىسى
سامميت ق ر ۇكىمەتى قازاقستانداعى ب ۇ ۇ دامۋ باعدارلاماسىمەن ارىپتەستىكتە ەۋروپالىق وداق پەن ازيا دامۋ بانكىنىڭ قارجىلىق قولداۋىمەن ۇيىمداستىرىلدى. ەكىنشى وڭىرلىك سامميتكە ءوڭىر ەلدەرى ۇكىمەتتەرىنىڭ ساياسي كوشباسشىلارى، حالىقارالىق ساراپشىلار، حالىقارالىق ۇيىمدار مەن ديپلوماتيالىق توپتاردىڭ وكىلدەرى، جەكە سەكتوردىڭ باسشىلارى جانە ورتالىق ازيانىڭ ازاماتتىق قوعامىنىڭ وكىلدەرى قاتىسادى.
سامميتكە قاتىسۋشىلار ورتالىق ازياداعى ءىرى جانە شاعىن قالالاردى دامىتۋ ءۇشىن جەرگىلىكتى شەشىمدەردى جانە تۇراقتى دامۋ ماقساتتارى (ت د م) وقشاۋلاۋ ارقىلى ولاردىڭ تۇراقتى دامۋعا كوشۋىن تالقىلايدى. سونداي-اق، جەكەلەگەن سەسسيالار مەملەكەتتىك قىزمەتتەردى سيفرلاندىرۋ، تۇراقتى دامۋ ءۇشىن ايەلدەر مەن جاستاردىڭ قۇقىقتارى مەن مۇمكىندىكتەرىن كەڭەيتۋ، ت د م- دى قارجىلاندىرۋ مەن كليماتتىق كۇن تارتىبىمەن سينەرگياسىن قامتاماسىز ەتۋ، سونداي- اق ت د م- عا قول جەتكىزۋدى جەدەلدەتۋ ءۇشىن جاڭا ارىپتەستىكتەردى قۇرۋ ماسەلەلەرىنە ارنالادى.
سامميتتى قازاقستان پرەمەر- ءمينيسترى ءاليحان سمايىلوۆ اشتى. ءاليحان سمايىلوۆ ءوز سوزىندە قازاقستان ب ۇ ۇ- نىڭ 2030 -جىلعا دەيىنگى كۇن تارتىبىنە قول جەتكىزۋدى جاقتايتىنىن، مۇنىڭ دالەلى رەتىندە ۇلتتىق دامۋ ستراتەگيالارى مەن باعدارلامالارىنا تۇراقتى دامۋ ماقساتتارىنىڭ ينديكاتورلارىنىڭ ەنگىزىلۋىن اتاپ ءوتتى. ەلىمىزدە قابىلدانعان مىندەتتەمەلەردى جۇزەگە اسىرۋ ءۇشىن، تۇراقتى دامۋ ماقساتتارى بويىنشا ۇيلەستىرۋ كەڭەسى جۇمىس ىستەيدى. سونىمەن بىرگە، پرەمەر- ءمينيستردىڭ ايتۋىنشا، جاھاندىق ەكونوميكاداعى تەرەڭ قۇرىلىمدىق وزگەرىستەر اياسىندا، ۇلتتىق ەكونوميكالىق دامۋ ساياساتىن ورتا مەرزىمدى كەزەڭگە بەيىمدەۋ قاجەت بولدى.
«وسىعان بايلانىستى ءبىز بيزنەس- قاۋىمداستىق پەن حالىقارالىق ۇيىمدار ساراپشىلارىنىڭ بەلسەندى قاتىسۋىمەن جاڭا قازاقستاننىڭ ەكونوميكالىق ساياساتىن ازىرلەۋگە كىرىستىك. وسى قۇجات اياسىندا ينۆەستيتسيالىق احۋال مەن بيزنەس- ورتانى جاقسارتۋ، مەملەكەتتىڭ ەكونوميكاعا قاتىسۋىن ازايتۋ، يننوۆاتسيالار مەن بالامالى ەنەرگيانى ەنگىزۋ، جاسىل قارجىلاندىرۋدى كەڭەيتۋ بويىنشا جاڭا شارالار ازىرلەنۋدە»، - دەپ اتاپ ءوتتى ۇكىمەت باسشىسى.
