اۋىل اكىمدەرىن «اۋىل اماناتى» باعىتى بويىنشا وقىتۋ باستالدى
بۇل اۋىل ەكونوميكاسىن دامىتۋدى جانە تۇرعىنداردىڭ تابىس دەڭگەيىن ارتتىرۋدى كوزدەيتىن «اۋىل اماناتى» باعىتىنىڭ ءبىرىنشى كەزەڭى.
وسى باعىتتىڭ باستى بولىگى - حالىقتىڭ تابىس دەڭگەيىن ارتتىرۋ ينديكاتورى بويىنشا اۋىلدار مەن اۋداندار اكىمدەرىنىڭ قىزمەتىن باعالاۋ جۇيەسىن ەنگىزۋ.
اقمولا وبلىسىنا كەلگەن ۆيتسە- پرەمەر ەرالى توعجانوۆ كوكشەتاۋدا ءوتىپ جاتقان دارىسكە قاتىستى.
اۋىل اكىمدەرى ءوز سۇراقتارىن قويۋعا مۇمكىندىك الىپ، ولارعا تولىق جاۋاپ الدى.
«وزدەرىڭىز بىلەتىندەي، 14- ساۋىردە حالىقتىڭ تابىسىن ارتتىرۋ بويىنشا كەشەندى جوسپار بەكىتىلدى. ايتا كەتۋ كەرەك، حالىقتىڭ ناقتى تابىسىن ارتتىرۋ مۇمكىندىگى پايدا بولدى، سونداي-اق بۇدان بىلاي وسى باعدارلامانى ورىنداۋ سىزدەردىڭ قىزمەتتەرىڭىزدى باعالاۋعا تىكەلەي اسەر ەتەتىن بولادى. اتالعان سەمينار 13- ماۋسىمدا اقمولا، اقتوبە جانە قىزىلوردا وبلىستارىندا باستالدى. بارلىعى 2400 گە جۋىق اۋىل اكىمىن وقىتۋدى جوسپارلاپ وتىرمىز»، - دەدى ەرالى توعجانوۆ.
سەمينار ءۇش كۇنگە جوسپارلانعان.
«Amanat» پارتياسىنىڭ حاتشىسى ەلدار جۇماعازييەۆتىڭ ايتۋىنشا، وقىتۋ بارىسىندا قاتىسۋشىلار اۋىل سكرينينگى مەن ماركەتينگىلىك تالداۋ جۇرگىزۋدى، اۋىل ەكونوميكاسىن دامىتۋدىڭ پەرسپەكتيۆالىق باعىتتارىن ايقىنداۋدى، اۋىلدى ءبىر سالاعا مامانداۋدى ۇيرەنەدى. سونداي-اق اۋىل اكىمدەرى تابىسى بار دەگەن بيزنەس-جوبالاردى ىسكە اسىرۋدىڭ پراكتيكالىق داعدىلارىن مەڭگەرەدى.
«وقىتۋ اۋىل اكىمدەرىنە اۋىلدارداعى ءۇي شارۋاشىلىقتارىنىڭ تابىستارىن ناقتى ارتتىرۋعا قول جەتكىزۋگە، «2025 -جىلعا دەيىنگى حالىقتىڭ تابىسىن ارتتىرۋ « مەملەكەتتىك باعدارلاماسىن ىسكە اسىرۋ شەڭبەرىندە جۇمىس ورىندارىن قۇرۋعا كومەكتەسەدى. وسى باعدارلامانىڭ باسىمدىقتارىنىڭ ءبىرى - اۋىل شارۋاشىلىعىندا جۇمىسپەن قامتۋدى ارتتىرۋ؛ تۋريزمدە جۇمىسپەن قامتۋدى ارتتىرۋ جانە حالىقتىڭ تابىسىن ارتتىرۋ فاكتورى رەتىندە كاسىپكەرلىك تابىستىڭ ءوسۋىن ىنتالاندىرۋ بولىپ تابىلادى»، - دەدى ە. جۇماعازيەۆ.
وقۋ پروتسەسىندە داعدىلاردى پراكتيكالىق دامىتۋعا باسا نازار اۋدارىلادى. سوندىقتان سەمينار بارىسىندا قاتىسۋشىلار العان بىلىمدەرىن ءىس جۇزىندە وزەكتى كەيستەر (جەم-ءشوپ ازىرلىگى، ءى ق م ءسۇت باعىتىن دامىتۋ، ەتتى ءى ق م جانە ۇ م، ج ق ش ءۇشىن ىرىمشىك جاساۋ، ت ق س، سۇلۋلىق سالونى، تىگىن شەبەرحاناسى جانە تاعى باسقا) مىسالىندا پىسىقتايدى.
سەمينار ناتيجەسى بويىنشا قاتىسۋشى اۋىل بيزنەسىنىڭ سكرينينگىن ءوز بەتىنشە ۇيىمداستىرىپ، جۇرگىزە الادى، زەرتتەۋ قورىتىندىسى بويىنشا مامانداندىرۋ مەن ەكونوميكالىق ءتيىمدى بيزنەس- جوبالاردى انىقتاي الادى، سونىمەن قاتار ولاردى العان ءبىلىم نەگىزىندە ىسكە اسىرا الادى.
بيزنەس-جوسپارلاردى دايىنداۋدى ۇيرەنۋ، جوبالاردى قارجىلاندىرۋدىڭ، سەرتيفيكاتتاۋ مەن ستاندارتتاۋدىڭ مۇمكىن كوزدەرى تۋرالى تولىق اقپارات الادى.
كووپەراتيۆتەردى ۇيىمداستىرۋ جانە وتكىزۋ تىزبەگىن قۇرۋ جۇيەسىن مەڭگەرەتىن بولادى. ءار سالانىڭ تەحنولوگيالىق كارتالارى بويىنشا ۇسىنىستاردى ساقتاۋ ارقىلى ءتيىمدى ءوندىرىس پروتسەستەرى بويىنشا تۇسىنىكتەمە الاتىن بولادى. وقىتۋدىڭ ءبىرىنشى كەزەڭى اياسىندا بارلىعى 517 اۋىل اكىمى قامتىلدى.
