21:13, 15 - ماۋسىم 2022 | GMT +5
قازاقستاندىقتار شىلدەدە قانشا كۇن دەمالادى؟
نۇر-سۇلتان. قازاقپارات - اپتاسىنا بەس كۇن جۇمىس ىستەيتىن قازاقستاندىقتار ءۇشىن بيىل شىلدەدە 20 جۇمىس كۇنى جانە 11 دەمالىس كۇن بولادى.
التى كۇن جۇمىس ىستەيتىندەرگە 25 جۇمىس كۇنى جانە التى دەمالىس كۇن بولادى، - دەپ حابارلايدى Tengrinews.kz ءتىلشىسى.
شىلدەدە قازاقستاندىقتار ەكى مەرەكەنى اتاپ وتەدى - استانا كۇنى جانە قۇربان ايت. بيىل استانا كۇنى – 6- شىلدە، ياعني سارسەنبىگە كەلەدى.
بۇل رەتتە دەمالىس كۇندەر باسقا كۇنگە اۋىستىرىلمايدى. وسىلايشا، قازاقستاندىقتار بەس كۇندىك جۇمىس اپتاسىندا دا، التى كۇندىك جۇمىس اپتاسىندا دا ءبىر كۇن – 6- شىلدەدە دەمالادى.
مۇسىلمان كۇنتىزبەسى بويىنشا قۇربان ايتتىڭ ءبىرىنشى كۇنى سەنبى، 9- شىلدەگە كەلەدى.
بۇل كۇن دەمالىس كۇنى بولعان سوڭ ءارى سەنبىگە تۇسەتىندىكتەن، باسقا كۇنگە اۋىستىرىلمايدى.
