قانات يسلامنىڭ كەلەسى جەكپە-جەگى قاشان وتەتىنى بەلگىلى بولدى

نۇر-سۇلتان. قازاقپارات - ورتا سالماقتاعى قازاقستاندىق بوكسشى قانات يسلام (28-1، 22 KO) كارەراسىنداعى ءبىرىنشى جەڭىلىسىنەن كەيىن شارشى الاڭعا قايتا ورالۋ ءۇشىن ا ق ش جەرىندە دايىندالىپ جاتىر، دەپ جازادى Vesti.kz ءتىلشىسى.

دەرەككوزدىڭ اقپاراتى بويىنشا، يسلام وكسنارد (كاليفورنيا شتاتى) قالاسىندا رودجەر رومانىڭ قول استىندا دايىندالۋدا. ول كەلەسى كەزدەسۋىن بيىل جازدا وتكىزەدى. قازىرگى ۋاقىتتا قارسىلاس پەن ايقاستىڭ وتەتىن كۇنى تۋرالى كەلىسسوز جۇرۋدە.

ەسكە سالايىق، قازاقستاندىق بوكسشى سوڭعى كەزدەسۋىن اقپان ايىندا وتكىزىپ، 95-95، 96-94، 97-93 ەسەبىمەن ۇلى بريتانيالىق دجيممي كەلليدەن (26-2، 10 ك و) جەڭىلىپ قالدى. پلانت- سيتي (فلوريدا شتاتى، ا ق ش) جەرىندە بولعان بۇل كەزدەسۋدە ورتا سالماقتاعى WBO Global بەلبەۋى ساراپقا سالىندى.

بۇل يسلامنىڭ كاسىپقوي بوكس كارەراسىنداعى ءبىرىنشى جەڭىلىسى بولدى.

ال كەللي بولسا وتكەن اپتادا ءبىر كەزدەسۋ وتكىزىپ ۇلگەردى. ول مەكسيكالىق حايمە مۋنگيامەن (40-0، 32 KO) ءبىرىنشى ورتا سالماقتا جولىعىپ، بەسىنشى راۋندتا نوكاۋتپەن جەڭىلدى.