تۇركىستاندى ءتورتىنشى مەگاپوليسكە اينالدىرۋ جوسپاردا جوق - ءومىرزاق شوكەيەۆ

None
None
تۇركىستان. قازاقپارات - تۇركىستاندى ءتورتىنشى مەگاپوليسكە اينالدىرۋ ماسەلەسى جوسپارلانىپ وتىرعان جوق.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە وبلىس اكىمى ءومىرزاق شوكەيەۆ ايتتى، دەپ حابارلايدى قازاقپارات ءتىلشىسى.

بيىل تۇركىستان وبلىسىنىڭ قۇرىلعانىنا 4 جىل تولدى. اكىمنىڭ ايتۋىنشا، وسى قىسقا ۋاقىت ىشىندە ءوڭىردىڭ الەۋمەتتىك- ەكونوميكالىق دامۋى جاقسارىپ، بارلىق سالادا ءوسىم ساقتالعان.

«وسى ءتورت جىلدا وبلىستىڭ الەۋمەتتىك- ەكونوميكالىق دامۋىنىڭ وڭ ءۇردىسى ايقىن اڭعارىلدى. اتاپ ايتقاندا، جالپى وڭىرلىك ءونىم كولەمى 1,6 ەسە ارتىپ، 2,8 تريلليون تەڭگەگە جەتتى. ونەركاسىپ ءونىم كولەمى 707,8 ميلليارد اۋىل شارۋاشىلىعى 906,5 ميلليارد تەڭگەگە جەتتى. وبلىس بيۋدجەتىنىڭ كولەمى 1,7 ەسەگە ارتىپ، 970,3 ميلليارد تەڭگە بولدى. اتقارىلعان جۇيەلى جۇمىستاردىڭ ناتيجەسىندە بيىلعى 5 ايدا وڭ ءوسىم ساقتالدى. تۇركىستاندى ءتورتىنشى مەگاپوليسكە اينالدىرۋ جوسپاردا جوق»، - دەدى ءومىرزاق شوكەيەۆ.

ايتا كەتەيىك، بۇگىندە تۇركىستان قالاسىندا حالىق سانى 200 مىڭنان استى. ال، وبلىستا 2 ميلليون ارتىق ادام تۇرادى.

اۆتور قايرات زاينيشيەۆ


سوڭعى جاڭالىقتار