قازاقستان ءبىلىم بەرۋدىڭ بولون جۇيەسىنەن شىقپايدى - قاسىم- جومارت توقايەۆ

None
None
نۇر- سۇلتان. قازاقپارات - قازاقستان ءبىلىم بەرۋدىڭ بولون پروتسەسىنەن شىقپايدى. بۇل تۋرالى ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«كەزىندە بولون جۇيەسىنە كۇمانمەن قاراعان ەدىم. وعان قوسىلعان كەزدە سەنات ءتوراعاسى بولدىم جانە ۇكىمەتكە بۇل ىستە اسىعىستىق تانىتۋدىڭ قاجەتى جوق ەكەندىگىن ەسكەرتتىم. سول ۋاقىتتى وعان قوسىلۋىمىز ۇلكەن ۇلتتىق جەتىستىك، ءتىپتى مەرەكە رەتىندە كورسەتىلدى. ءىس جۇزىندە ونىڭ دا وتە كوپ كەمشىلىگى بار جانە ولاردى بايقاعان ەدىم. بۇل مەدالدىڭ ەكى جاعى بار. نەگىزىندە رەسەي ۇكىمەتىنىڭ بولون جۇيەسىنەن شىعۋى تۋرالى شەشىمىن تۇسىنەمىن. ءبىراق، ونىڭ سالدارى دا بولاتىنىن ءتۇسىنۋ قاجەت»، - دەدى قاسىم- جومارت توقايەۆ رەسەيلىك جۋرناليست اندرەي كوندراشوۆقا بەرگەن سۇحباتىندا.

مەملەكەت باسشىسى ەلىمىزدە ءبىلىم بەرۋ سالاسىنا وتە ۇلكەن نازار اۋدارىلىپ وتىرعانىن باسا ايتتى.

«ويتكەنى، ءبىلىمنىڭ ءرولى وتە زور. مەن رەسەيلىك تەحنيكالىق جوعارى وقۋ ورىندارىنىڭ قازاقستاندا فيليالدارىن اشۋىنا قاتىستى باستاما كوتەردىم. بۇل پروتسەسس باستالدى. ماسكەۋ ينجەنەرلىك- فيزيكالىق ينستيتۋتى قازمۋ- دە فيليالىن اشتى. گۋبكين اتىنداعى مۇناي جانە گاز ۋنيۆەرسيتەتى دە فيليالىن اشادى. مەنىڭشە، بۇل پروتسەسس جالعاسا بەرەدى. ويتكەنى، قازىرگى قازاق جاستارى باسەكەگە قابىلەتتى بولۋى ءۇشىن، ەڭ الدىمەن، تەحنيكالىق ءبىلىم الۋى ءتيىس دەپ ەسەپتەيمىن. «بولاشاق» باعدارلاماسى ارقىلى تالانتتى جاستاردى شەتەلگە جىبەرۋ مۇمكىندىگى دە ساقتالىپ وتىر. اتاپ ايتقاندا، ولار ماگيسترانتتار، ءتىپتى باكالاۆرياتتار دا. ءبىز باكالاۆر باعدارلاماسىن قىسقارتىپ، الەمنىڭ ۇزدىك جوعارى وقۋ ورىندارىنا باراتىن ماگيسترانتتاردىڭ سانىن ارتتىرامىز»، - دەدى ق ر پرەزيدەنتى.

اۆتور: مارلان جيەمباي

سوڭعى جاڭالىقتار