قازاقستاندا ورىس ءتىلىنىڭ پوزيتسياسى ناشارلاعان جوق - پرەزيدەنت

None
None
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ەلىمىزدەگى ورىس تىلىنە قاتىستى احۋالعا وراي پىكىر ءبىلدىردى، دەپ حابارلايدى قازاقپارات ءتىلشىسى.

«قازاقستاندا ورىس ءتىلىنىڭ پوزيتسياسى كەمىدى، تارىلىپ بارا جاتىر، ءتىپتى كەمىس تىلگە اينالدى دەپ جۇرگەندەر - شىندىقتان وتە الشاق. مۇنداي پايىمنىڭ بارلىعى بەلگىلى ءبىر جاعدايدى ساياسيلاندىرۋ ماقساتىندا جادىگويلەنۋدەن. مۇنى نەلىكتەن جاسايدى - سۇراق باسقادا. نەگىزىندە ونىڭ جاۋابىن بىلەمىن. ءبىراق، قازىرگى سۇحباتىمىزدىڭ تاقىرىبى ەمەس. تولىقتاي العاندا، قازاقستاندا ورىس ءتىلىنىڭ پوزيتسياسى قانداي دا ءبىر ناشارلاۋعا ۇشىراعان جوق. وعان سەنىمدىمىن. ساباق ورىس تىلىندە وتەتىن مەكتەپتەردىڭ سانىنا قاتىستى ايتار بولسام، ولار بۇرىنعى كولەمدە قالدى. باسقا ماسەلە جانە بۇل شىندىق - ول قازاق تىلىندە ءبىلىم الۋعا دەگەن سۇرانىستىڭ ارتىپ كەلە جاتقانىندا»، - دەدى قاسىم- جومارت توقايەۆ رەسەيلىك جۋرناليست اندرەي كوندراشوۆقا بەرگەن سۇحباتىندا.

مەملەكەت باسشىسىنىڭ پايىمىنشا، قازاق تىلىنە دەگەن سۇرانىستىڭ ارتىپ كەلە جاتقانىن دا ەسكەرگەن ءجون.

«تۇپتەپ كەلگەندە، مەملەكەتىمىزدىڭ اتاۋىنىڭ وزىندە «قازاق» ءسوزى بار. ياعني، ءبىز قازاق ءتىلىن ۇيرەنگىسى كەلەتىن، بالاسىن قازاق مەكتەبى مەن بالاباقشاعا بەرگىسى كەلەتىن ادامداردىڭ مۇددەسىن قامتاماسىز ەتۋگە ءتيىسپىز. ورىس ءتىلىنسىز قازاقتارعا وتە قيىن بولاتىندىعىنا قاتىستى ناقتى تۇسىنىگىمىز بار. گەوگرافيالىق تۇرعىدا. بۇعان دەيىن دە بىزدە الەمدەگى ەڭ ۇزىن شەكارامىز بار ەكەندىگىن ايتقانمىن. ءبىز قۇداي قوسقان كورشىمىز جانە قازاقتارعا ورىس ءتىلىن جاقسى ءبىلۋ كەرەك. ءبىراق، سونىمەن قاتار ءوزىنىڭ انا ءتىلىن دە ءبىلۋى ءتيىس»، - دەدى ق ر پرەزيدەنتى.

اۆتور: مارلان جيەمباي

سوڭعى جاڭالىقتار