پارلامەنتتىك جۇيە ەلىمىز ءۇشىن جەتكىلىكسىز دەپ سانايمىن – ق ر پرەزيدەنتى

None
None
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ەلىمىزدە ورىن الىپ جاتقان ساياسي رەفورمالارعا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«مەملەكەت باسشىسىنا قاتىستى «پرەزيدەنتكە قانداي دا ءبىر ساياسي پارتيا قاتارىندا بولۋدىڭ قاجەتى جوق» دەپ شەشىم قابىلدادىم جانە بۇل تاجىريبە بولاشاقتا دا قولدانىستا بولاتىن شىعار. ياعني، قازىرگى ۋاقىتتا مەن پارتيا قاتارىندا ەمەسپىن. مۇنىڭ ۇستىنە ەلىمىز ءۇشىن ماڭىزدى پرەزيدەنتتىڭ جاقىن تۋىستارىنا قاتىستى نورما ەنگىزىلدى. جاڭا كونستيتۋتسياعا سايكەس ولاردىڭ مەملەكەتتىك قىزمەتتە لاۋازىمدا بولۋىنا جانە كۆازيمەملەكەتتىك سەكتوردا، ياعني مەملەكەتتىك كومپانيالاردا باسشىلىق قىزمەت اتقارۋعا قۇقىعى جوق»، - دەدى قاسىم- جومارت توقايەۆ رەسەيلىك جۋرناليست اندرەي كوندراشوۆقا بەرگەن سۇحباتىندا.

پرەزيدەنتتىڭ اتاپ وتۋىنشە، قازىرگى جاعدايدا بيلىكتىڭ پارلامەنتتىك جۇيەگە كوشۋى قيسىنسىز بولار ەدى.

«بۇل ىركىلىس پەن قاراما- قارسىلىق جۇيەسىن كۇشەيتە تۇسەدى دەپ ويلايمىن. مەنىڭشە، بۇل - دۇرىس جۇيە. ويتكەنى، قازاقستانداعى ازاماتتىق قوعام تولىسقان. ءدال وسى جۇيەگە سۇرانىس وتە جوعارى. باتىستاعى كەيبىر بەلسەندىلەر مەن بايقاۋشىلار ۇندەپ جۇرگەن پارلامەنتتىك جۇيەگە كوشۋگە قاتىستى ايتار بولسام، ارينە، مەن بۇل جۇيەنى حالىققا ۋادە ەتكەنىم جوق جانە وتە كۇردەلى گەوساياسي جاعدايدا ول ەلىمىز ءۇشىن جەتكىلىكسىز دەپ سانايمىن. پرەزيدەنتتىك رەسپۋبليكا، ءبىراق، كۇشتى پارلامەنتى جانە ەسەپ بەرەتىن ۇكىمەتى بار. ايتپاقشى، «كۇشتى پرەزيدەنت - ىقپالدى پارلامەنت - ەسەپ بەرەتىن ۇكىمەت» فورمۋلاسىن پرەزيدەنت لاۋازىمىنا كەلمەي تۇرىپ- اق ۇسىنعان ەدىم»، - دەدى مەملەكەت باسشىسى.

اۆتور: مارلان جيەمباي

سوڭعى جاڭالىقتار