بايدەن ەكىنشى پرەزيدەنتتىك مەرزىمگە سايلانۋعا نيەتتى

نۇر-سۇلتان.قازاقپارات - قۇراما شتاتتار باسشىسى دجو بايدەن ەكىنشى پرەزيدەنتتىك مەرزىمگە سايلانۋعا نيەتتى. بۇل تۋرالى اق ءۇيدىڭ باسپا ءسوز حاتشىسى كارين جان- پەر تۆيتتەردەگى ءوز پاراقشاسىندا جاريا ەتتى.

ايتا كەتكەن ءجون، دجو بايدەن 2020 -جىلدىڭ كۇزىندە وتكەن پرەزيدەنتتىك سايلاۋ كەزىندە جەڭىسكە جەتكەن. كەلەسى ساياسي شارا 2024 -جىلعا بەلگىلەنگەن. ول كەزدە دجو بايدەنننىڭ جاسى 82 دە بولادى. سوڭعى جۇرگىزىلگەن ساۋالناما ناتيجەلەرى كورسەتىپ وتىرعانداي، حالىق اراسىندا اق ءۇي باسشىسىن قولداۋ رەيتينگى رەكوردتى 36 پروتسەنتكە دەيىن تومەندەگەن. ويتكەنى امەريكاندىقتار ەلدە ءورشىپ تۇرعان ينفلياتسياعا كوڭىلى تولمايتىنىن ايتادى. سونداي- اق كەيىنگى ۋاقىتتا جەرگىلىكتى قوعامدا قارۋدى باقىلاۋدى قاتاڭداتۋ ماسەلەسىنە قاتىستى داۋ باسىلماي تۇر. بۇل دا پرەزيدەنت بەدەلىنىڭ تومەندەۋىنە اسەر ەتكەن.

www.24.kz