16:57, 14 - ماۋسىم 2022 | GMT +6
قازاقستان ۋكراينادا وقىپ جۇرگەن ءۇندىستاندىق ستۋدەنتتەردى قابىلداۋعا دايىن - اجار عينيات
نۇر-سۇلتان. قازاقپارات - قازاقستاننىڭ مەديتسينا ۋنيۆەرسيتەتتەرى ۋكرايناداعى ءۇندى ستۋدەنتتەرىن قابىلداۋعا دايىن.
بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«ءۇندىستان ۇكىمەتى بىزگە رەسمي جۇگىندى. كەشە ەلىمىزگە ءۇندىستاننىڭ سىرتقى ىستەر جانە مادەنيەت ءمينيسترى ميناكشي لەكحي كەلدى. كەزدەسۋدە ۋكراينادا جيىرما مىڭنان استام ستۋدەنتتىڭ ءبىلىم الا الماي قالعانى تۋرالى ماسەلە كوتەرىلدى جانە بىزدەن كومەك سۇرادى. جالپى، ءبىزدىڭ ۋنيۆەرسيتەتتەر كومەك كورسەتۋگە، شامامەن 200 ستۋدەنتتى قابىلداۋعا دايىن»، - دەدى اجار عينيات ۇكىمەت وتىرىسىنان كەيىن ب ا ق وكىلدەرىنە.
ونىڭ ناقتىلاۋىنشا، شەتەلدىك ستۋدەنتتەر وقۋ اقىسىن وزدەرى تولەيدى. سونىمەن قاتار دەنساۋلىق ساقتاۋ مينيسترلىگى مۇمكىندىككە قاراي ءۇندىستاندىق ستۋدەنتتەردى جاتاقحانامەن قامتاماسىز ەتۋ ماسەلەسى دە قاراستىرىلاتىنىن اتاپ ءوتتى.
