جاڭا تاعايىندالعان مينيستر ساياسات نۇربەك سالتاناتتى تۇردە انت بەردى
«قازاقستان رەسپۋبليكاسىنىڭ حالقى مەن پرەزيدەنتى الدىندا ءوز وتانىم - قازاقستان رەسپۋبليكاسىنىڭ ەكونوميكالىق جانە رۋحاني دامۋى ىسىنە بارلىق كۇش- جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا، ءوزىمنىڭ بارلىق ءىس- ارەكەتىمدە زاڭدىلىق پەن ادىلەتتىك، ازاماتتىق، ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە سالتاناتتى تۇردە انت ەتەمىن»، - دەدى ساياسات نۇربەك ۇكىمەت وتىرىسىنىڭ اشىلۋىندا.
ايتا كەتەيىك، ساياسات نۇربەك 1981 -جىلى 18-مامىردا سەمەي قالاسىندا دۇنيەگە كەلگەن. مارشاللتاۋن كوللەدجىن (ا ق ش) ساياساتتانۋ ماماندىعى بويىنشا ءبىتىردى، ەۋرازيا ۇلتتىق ۋنيۆەرسيتەتى. ل. م. گۋميلەۆ «حالىقارالىق قۇقىق» ماماندىعى بويىنشا، لا ساپيەنتسا (يتاليا) ۋنيۆەرسيتەتى گەوپوليتيكا ماگيسترى دارەجەسىندە، «كوكشە» اكادەمياسى پسيحولوگيا باكالاۆرى.
ا ق ش، سينگاپۋر، بەلگيا، جاپونيا، گوللانديادا تاعىلىمدامادان جانە بىلىكتىلىكتى ارتتىرۋ كۋرستارىنان ءوتتى.
2000-2001 -جىلدارى، كونگرەسسمەن مارك سميت كومەكشىسى (ا ق ش)، ايوۆا شتاتىنىڭ ۇكىمەتىندە (ا ق ش) قىزمەت اتقارعان.
2002-2004 -جىلدارى، قازاقستاننىڭ جاستار ساياساتىنىڭ ىسكە اسىرىلۋىنا بەلسەندى قاتىستى.
2006-2009 -جىلدارى «قازىنا» تۇراقتى دامۋ قورى» ا ق ينۆەستيتسيالىق جوبالار سالاسىندا جۇمىس ىستەدى، ق ر پرەزيدەنتى اكىمشىلىگىنىڭ كادر ساياساتى سەكتورىنىڭ مەڭگەرۋشىسى، ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ حالىقارالىق ىنتىماقتاستىق جانە عىلىم جونىندەگى پرورەكتورى، «سامۇرىق-قازىنا» ۇلتتىق ءال- اۋقات قورى» ا ق دەپارتامەنت ديرەكتورى، كادر ساياساتى جانە باسقارۋ جونىندەگى اتقارۋشى ديرەكتور بولىپ قىزمەت اتقاردى.
2009 -جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك ساياساتتىڭ ۇلتتىق مەكتەبىنىڭ ديرەكتورى بولىپ تاعايىندالدى.
2010 -جىلدىڭ قاراشا ايىنان 2013 -جىلدىڭ قىركۇيەگىنە دەيىن ق ر ءبىلىم جانە عىلىم مينيسترلىگىنىڭ «حالىقارالىق باعدارلامالار ورتالىعى» ا ق پرەزيدەنتى.
2013-2015 -جىلدارى «نۇر وتان» پارتياسىنىڭ قوعامدىق ساياسات ينستيتۋتىنىڭ ديرەكتورى بولىپ جۇمىس ىستەدى.
2015-2016 -جىلدارى الماتى قالاسى اكىمدىگى ىشكى ساياسات باسقارماسى باستىعىنىڭ مىندەتىن اتقارۋشى.
2016 -جىلدىڭ شىلدەسىنەن باستاپ استانا حالىقارالىق قارجى ورتالىعىنىڭ باسقارۋشى ديرەكتورى، باسقارما مۇشەسى بولىپ تاعايىندالدى.
2019-2022 -جىلدارى National Geographic Kazakhstan ىزگى ەلشىسى، BTS Education كومپانياسىنىڭ باسشىسى.
2022 -جىلدىڭ اقپانىنان بەرى ءماجىلىس دەپۋتاتى. قازاق، ورىس، اعىلشىن، تۇرىك، يتاليان، يسپان، جاپون جانە لاتىن تىلدەرىندە سويلەيدى. ۇيلەنگەن. ءۇش بالاسى بار.
اۆتور: ايجان سەرىكجان قىزى