نۇرلان ونجانوۆ قازاقستاننىڭ گەرمانياداعى ەلشىسى بولىپ تاعايىندالدى

None
None
نۇر- سۇلتان. قازاقپارات - مەملەكەت باسشىسىنىڭ جارلىعىمەن نۇرلان بايمولدا ۇلى ونجانوۆ قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى، دەپ حابارلايدى قازاقپارات.

اقوردانىڭ رەسمي سايتىنىڭ مالىمەتىنشە، ول قازاقستان رەسپۋبليكاسى پرەزيدەنتى كەڭسەسىنىڭ باستىعى لاۋازىمىنان بوساتىلعان. ال وسى ۋاقىتقا دەيىن قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى بولعان داۋرەن ايتباي ۇلى كارىپوۆ لاۋازىمىنان بوساتىلدى.

نۇرلان ونجانوۆ 1960 -جىلى 25-قاراشادا بۇرىنعى تالدىقورعان وبلىسىندا دۇنيەگە كەلدى. گەرمانيستيكا ماماندىعى بويىنشا گۋمبولدت اتىنداعى بەرلين ۋنيۆەرسيتەتىنىڭ فيلولوگيا فاكۋلتەتىن بىتىرگەن، فيلولوگيا عىلىمدارىنىڭ كانديداتى.

1983-1986 - الماتى قالاسىندا فيلولوگيا دوتسەنتى؛

1986-1992 - ماسكەۋ قالاسىندا عىلىمي قىزمەتتە؛

1992-1994 – ق ر باسپا جانە بۇقارالىق اقپارات مينيسترلىگىنىڭ ءبولىم باستىعى جانە ءمينيستردىڭ كەڭەسشىسى؛

1994-1996 - قازاقستان رەسپۋبليكاسى پرەزيدەنتىنىڭ اپپاراتى، حالىقارالىق ءبولىمىنىڭ اعا رەفەرەنتى؛

1996-1997 - قازاقستان رەسپۋبليكاسىنىڭ اۆستريا رەسپۋبليكاسىنداعى ەلشىلىگىنىڭ ءبىرىنشى حاتشىسى كەيىن كەڭەسشىسى؛

1997-2001 – ق ر شۆەيتساريا كونفەدەراتسياسىنداعى ەلشىلىگىنىڭ كەڭەسشىسى؛

2001-2002 – ق ر سىرتقى ىستەر مينيسترلىگى، ەكونوميكالىق ساياسات دەپارتامەنتىنىڭ ديرەكتورى؛

2002-2003 - قازاقستان رەسپۋبليكاسىنىڭ ماينداعى فرانكفۋرت قالاسىنداعى باس كونسۋلى؛

2003-2004 – ق ر سىرتقى ىستەر ۆيتسە- ءمينيسترى، ت م د ىستەرى كوميتەتىنىڭ ءتوراعاسى، «ورتالىق ازيا ىنتىماقتاستىعى» ۇيىمى قىزمەتىنىڭ ماسەلەلەرى جونىندەگى قازاقستان رەسپۋبليكاسىنىڭ ۇلتتىق ۇيلەستىرۋشىسى؛

2004-2007 – ق ر سىرتقى ىستەر ءمينيسترىنىڭ ورىنباسارى؛

2007-2008 - قازاقستان رەسپۋبليكاسى پرەزيدەنتىنىڭ كومەكشىسى؛

2008-2014 -جىلدارى - قازاقستان رەسپۋبليكاسىنىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى جانە دانيا كورولدىگىندەگى ەلشى مىندەتىن قوسا اتقارۋشى.

2014 -جىلعى شىلدەدەن ق ر پرەزيدەنتىنىڭ كومەكشىسى بولعان. 2019 -جىلدىڭ ناۋرىزىنان قازاقستان رەسپۋبليكاسى پرەزيدەنتى كەڭسەسىنىڭ باسشىسى بولدى. «قۇرمەت» وردەنىمەن، مەدالدارمەن ماراپاتتالعان.

سوڭعى جاڭالىقتار