15:49, 13 - ماۋسىم 2022 | GMT +6
ا ق ش بيلىگى قارۋ ساۋداسى ەرەجەلەرىن قاتاڭداتۋ تۋرالى كەلىسىمگە كەلدى
نۇر-سۇلتان. قازاقپارات - ا ق ش- تا سەناتورلار قارۋدى ساتۋ ەرەجەلەرىن قاتاڭداتۋ بويىنشا كەلىسىمگە كەلدى.
بۇل تۋرالى قوس پارتيا وكىلدەرى مالىمدەدى. ەندى 21 گە تولماعان ازاماتتارعا قارۋ ساتپاس بۇرىن ولاردىڭ جەكە مالىمەتتەرى ءجىتى تەكسەرىلەدى. وسىلايشا جالعان قۇجات ارقىلى قارۋ ساتىپ الۋ ءتارتىبى جويىلادى.
ا ق ش بيلىگىنىڭ مۇنداي شارا قابىلداۋىنا قارۋ قولدانعان قايعىلى وقيعالاردىڭ جيىلەپ كەتۋى سەبەپ. ءتيىستى زاڭ جوباسىن وتكەن اپتادا وكىلدەر پالاتاسى بەكىتتى. ەندى قۇجاتتى سەنات تالقىلاۋى ءتيىس.
كريستيان حەين، Brady توبىنىڭ ساياسات جونىندەگى ۆيتسە- پرەزيدەنتى:
- بۇل زاڭ جوباسىن ازىرلەۋ بارىسىندا اۋقىمدى ۇسىنىستار ايتىلدى. مەنىڭ ويىمشا، زاڭ ەلگە كوپ وزگەرىس اكەلەدى. بۇل سوڭعى ونجىلدىقتا جۇرگىزىلگەن جۇمىستاردىڭ ناتيجەسى. سەبەبى ءبىزدىڭ ەلدە كەز كەلگەن الەۋمەتتىك وزگەرىستەر ءۇشىن ۋاقىت كەرەك. زاڭ شىعارۋشى جۇيەمىز سولاي قۇرىلعان.
www.24.kz
