10:25, 13 - ماۋسىم 2022 | GMT +6
قاسىم- جومارت توقايەۆ وسى اپتادا ۇلىتاۋ، پەتەربور، تەگەرانعا بارادى
نۇر- سۇلتان. قازاقپارات - مەملەكەت باسشىسىنىڭ وسى اپتاداعى جۇمىس كەستەسى جاريالاندى، دەپ حابارلايدى قازاقپارات.
پرەزيدەنتتىڭ باسپا ءسوز قىزمەتى اتاپ وتكەندەي، ماۋسىمنىڭ 16- كۇنى مەملەكەت باسشىسى قاسىم- جومارت توقايەۆ جاڭادان قۇرىلعان ۇلىتاۋ وبلىسىنىڭ ورتالىعىندا وتەتىن ۇلتتىق قۇرىلتايدىڭ ءبىرىنشى وتىرىسىنا قاتىسادى.
17- ماۋسىم قاسىم- جومارت توقايەۆ رەسەي پرەزيدەنتى ۆلاديمير پۋتيننىڭ شاقىرۋىمەن پەتەربور حالىقارالىق ەكونوميكالىق فورۋمىنىڭ 25-مەرەيتويلىق جيىنىنا قاتىسادى. مەملەكەت باسشىسى فورۋمنىڭ پلەنارلىق وتىرىسىنا قاتىسىپ، ءبىرقاتار ەكىجاقتى كەزدەسۋ وتكىزەدى دەپ جوسپارلانعان.
19- ماۋسىمدا قازاقستان پرەزيدەنتى يران يسلام رەسپۋبليكاسىنىڭ پرەزيدەنتى يبراحيم رايسيدىڭ شاقىرۋىمەن يرانعا رەسمي ساپارمەن بارادى. تەگەراندا جوعارى دەڭگەيدە ەكىجاقتى كەزدەسۋلەر وتكىزۋ جانە ءبىرقاتار ۇكىمەتارالىق قۇجاتقا قول قويۋ جوسپارلانىپ وتىر.
