مارات سۇلتانعازيەۆ الماتى وبلىسىنىڭ اكىمى لاۋازىمىنا تاعايىندالدى
بۇل تۋرالى اقوردانىڭ باسپا ءسوز قىزمەتى حابارلادى. مارات سۇلتانعازيەۆ 1976 -جىلى الماتى وبلىسىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن، قازاق مەملەكەتتىك زاڭ اكادەمياسىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن ءتامامداعان. ماماندىعى بويىنشا - ەكونوميست- قارجىگەر، زاڭگەر، ىسكەرلىك اكىمشىلەندىرۋ ماگيسترى.
ەڭبەك جولىن 1997 -جىلى سالىق ءبولىمىنىڭ زاڭدى تۇلعالاردى تەكسەرۋ ءبولىمىنىڭ ءبىرىنشى ساناتتى مامانى بولىپ باستاعان. 1998-2001 -جىلدارى الماتى قالاسى بويىنشا سالىق كوميتەتىنىڭ سالىق ينسپەكتورى، اعا سالىق ينسپەكتورى، جەتەكشى سالىق ينسپەكتورى، باس مامان - باس سالىق ينسپەكتورىنىڭ م. ا. بولىپ جۇمىس ىستەگەن.
2001-2010 -جىلدارى الماتى قالاسى بويىنشا سالىق كوميتەتىندە جۇمىسىن جالعاستىرعان، الماتى قالاسى بويىنشا سالىق دەپارتامەنتى باسشىسىنىڭ ورىنباسارى بولىپ جۇمىس ىستەگەن. 2010-2012 -جىلدارى قر قارجى مينيسترلىگىندە باسشىلىق قىزمەتتەردى اتقارعان.
2012-2014 -جىلدارى – ق ر پرەزيدەنتى اكىمشىلىگىنىڭ الەۋمەتتىك- ەكونوميكالىق مونيتورينگ ءبولىمىنىڭ سەكتور مەڭگەرۋشىسى. 2014-2017 -جىلدارى – ق ر قارجى مينيسترلىگى مەملەكەتتىك كىرىستەر كوميتەتىنىڭ الماتى قالاسى بويىنشا مەملەكەتتىك كىرىستەر دەپارتامەنتىنىڭ باسشىسى.
2017 -جىلعى ماۋسىمنان 2018 -جىلعى قازانعا دەيىن ق ر پرەزيدەنتى اكىمشىلىگىنىڭ الەۋمەتتىك- ەكونوميكالىق مونيتورينگ ءبولىمى مەڭگەرۋشىسىنىڭ ورىنباسارى قىزمەتىن اتقاردى.
2018 -جىلعى قازاننان باستاپ قازىرگە دەيىن ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى بولىپ جۇمىس ىستەدى. 2021 -جىلعى 12-مامىردا قازاقستان رەسپۋبليكاسىنىڭ قارجى ۆيتسە-ءمينيسترى لاۋازىمىنا تاعايىندالدى. 2022 -جىلعى 15-قاڭتاردان بەرى ق ر قارجى ءمينيسترىنىڭ ءبىرىنشى ورىنباسارى بولىپ قىزمەت اتقاردى.
