اۆستراليا عالىمدارى «سۋپەربالدىر» ىزدەيتىن روبوت ويلاپ تاپتى

نۇر-سۇلتان. قازاقپارات - اۆستراليالىق عالىمدار پايدالى قاسيەتتەرگە مول بالدىرلاردى ىزدەپ تابا الاتىن روبوت جاساپ شىعاردى، دەپ حابارلايدى «حابار 24».

ول وسىمدىك ۇلگىلەرىن سكانەرلەپ، ەرەكشەلىكتەرىن تالداۋعا قاۋقارلى. بۇرىن ءبىر شتامنىڭ قاسيەتتەرىن انىقتاۋ ءۇشىن مامانداردىڭ 6 اي ۋاقىتى كەتەتىن. ال قازىر تەحنولوگيانىڭ ارقاسىندا وعان ءبىر اپتا جەتەدى.

ءسويتىپ عالىمدار بولاشاقتا «سۋپەربالدىر» تابۋعا نيەتتى.

ولاردان تاماق، ءدارى-دارمەك، پلاستيك پەن قۇرىلىس ماتەريالدارىن جاساۋعا بولاتىنىن ايتادى.

ەددي كاستوۆيچ، عالىم: - بۇل روبوت 20 عالىمنىڭ ءبىر جىلدىق جۇمىس كولەمىن ءبىر ءوزى جاساي الادى.

كۇندە قايتالانا بەرەتىن ۇساق شارۋا ادامدى جالىقتىرىپ جىبەرەدى. مۇندايدا وسىنداي تەحنولوگيالاردىڭ كوپ كومەگى تيەدى. ءبىز ۋاقىتپەن قوسا اقشا جاعىنان دا ۇنەمدەيمىز.