قازاقستاندىقتار يپوتەكا راسىمدەيتىن كەزدە ءارتۇرلى مەكەمەگە، ح ق و- عا ساندالمايتىن بولدى
بۇل جايىندا سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى قازاقپارات.
«نەلىكتەن ازاماتتار ح ق و- عا بارادى؟ ەگەر ءاربىر قىزمەتتى قايتا قاراستىرىپ، ۇدەرىستەردى دۇرىستاپ ويلاستىراتىن بولساق، ح ق و- دا ۇزىنسونار كەزەك تە بولماس ەدى. مىسالى، جىلجىمايتىن مۇلىككە بايلانىستى قىزمەتتەر بويىنشا ح ق و- عا حالىق ءۇش جاعدايدا جۇگىنەدى.
ءبىرىنشى توپ - قۇرىلىس كومپانيالارىنان ءۇي ساتىپ الىپ جاتقان كىسىلەر. بۇل رەتتە مەملەكەت قۇرىلىس كومپانياسىنىڭ جىلجىمايتىن مۇلىكتى ناقتى كىمگە ساتقانىن ءبىلۋى ءتيىس، سوندا الداعى ۋاقىتتا الگى نىسان باسقا بىرەۋگە زاڭسىز ساتىلىپ كەتپەيدى جانە كەلىسىمشارتتىڭ قۇنىنا قاراي سالىق بازاسىنا ءتيىستى دەرەكتەر ەنگىزىلەدى.
ەكىنشى توپ - يپوتەكاعا ءۇي الىپ جاتقان كلەنتتەر. بۇل جاعدايدا مەملەكەت جىلجىمايتىن مۇلىككە قۇقىعى بار ازامات جايلى جانە كەپىلدەمە تۋرالى اقپارات سۇرايدى.
ءۇشىنشى - جىلجىمايتىن مۇلىكتى ءوزارا ساتىپ الۋ-ساتۋمەن اينالىسىپ جاتقان جەكە تۇلعالار. بۇل رەتتە كەلىسىمشارت دۇرىس جۇرگىزىلگەنىن تىركەۋ قاجەت. وسى جاعدايلاردىڭ بارلىعىندا ح ق و- عا بارۋ كەرەك بولاتىن» دەپ جازدى مينيستر Facebook پاراقشاسىندا.
ونىڭ ايتۋىنشا، قازىر جەكە تۇلعالار اراسىندا جاسالاتىن كەلىسىمشارت بويىنشا ح ق و- عا جۇگىنۋدىڭ قاجەتى جوق. نوتاريۋستا راسىمدەۋگە بولادى، ال ول بارلىق دەرەكتەردى مەملەكەتتىك بازاعا جولدايدى.
بانكتە يپوتەكا راسىمدەۋ كەزىندە دە ح ق و- عا بارماۋعا بولادى. Freedom Finance , Otbasy bank-تە بۇل ۇدەرىس رەتتەلگەن، ت س ك ب دا جۋىردا بلوكچەينمەن سيفرلىق يپوتەكا راسىمدەۋگە كىرىسەدى.
«قۇرىلىس كومپانياسىنان باسپانا العىسى كەلەتىن ادام ح ق و، قۇرىلىس كومپانياسى جانە نوتاريۋسقا بارۋ كەرەك بولاتىن. ءبىز سيفرلاندىرۋدىڭ ارقاسىندا مۇنداي ۇزاق پروتسەستى وڭتايلاندىردىق. بىلتىر پيلوتتىق جوبا اياسىندا BI Group-پەن بىرگە قولايلى مەحانيزمدى ىسكە قوستىق: كەلىسىمشارت قۇرىلىس كومپانياسىنىڭ كەڭسەسىندە جاسالىپ، قاجەتتى دەرەكتەردىڭ بارلىعى بىردەن جىلجىمايتىن مۇلىك بازاسىنا جانە ۇلەستىك قاتىسۋ بازاسىنا جولدانادى، وسىلايشا ازاماتتار ح ق و- عا، باسقا دا مەكەمەلەرگە بارمايتىن بولدى. بۇگىن BI Group كەڭسەسىندە سيفرلىق يپوتەكا پروتسەسىنە كۋا بولدىم. كومپانيا وكىلدەرى سيفرلاندىرۋدىڭ كليەنت ۋاقىتىن قانشالىقتى ۇنەمدەيتىنىن كورسەتتى. بۇل - بارلىق قۇرىلىس نارىعى ءۇشىن جاقسى ۇلگى. قازىرگى تاڭدا ءبىزدىڭ ەلدە كەز كەلگەن قۇرىلىسشى وسىنداي سەرۆيستى ۇسىنىپ، دەرەكتەر بازاسىمەن ينتەگراتسيا جاساۋ ارقىلى كليەنتتەردى ح ق و- عا بارۋ ماجبۇرلىگىنەن قۇتقارا الادى. ال بىزدە ۇزىنسونار كەزەكتەردىڭ كەزەڭى ءوتىپ، ۇنەمدەلگەن رەسۋرستارىمىزدى باسقا دا مەملەكەتتىك قىزمەتتەر بويىنشا سەرۆيستەردى جاقسارتۋعا جۇمسار ەدىك» دەيدى باعدات مۋسين.
