كەيبىر ەلدىڭ كومىرتەكسىزدەندىرۋ ساياساتى ەنەرگەتيكالىق قاۋىپسىزدىكتى قامتاماسىز ەتۋ ساياساتىنا قاراما- قايشى

نۇر- سۇلتان. قازاقپارات - ءبىرقاتار مەملەكەتتىڭ كومىرتەكسىزدەندىرۋ ساياساتى ەنەرگەتيكالىق قاۋىپسىزدىكتى قامتاماسىز ەتۋ ساياساتىنا قاراما- قايشى.

بۇل تۋرالى پرەزيدەنت جانىنداعى شەتەلدىك ينۆەستورلار كەڭەسىنىڭ 34- جالپى وتىرىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«كليماتتىق جانە تەحنولوگيالىق تەگەۋىرىندەردەن بولەك، الەمدە جاڭاراتىن ەنەرگيا كوزدەرىنە كوشۋ وزەكتىلىگى جاڭا گوساياسي كونتەكستى كۇرت ارتتىردى. ءبىراق، ەكىنشى جاعىنان ەنەرگەتيكالىق تاۋەلسىزدىككە ۇمتىلۋ ءبىرقاتار ەلدى كومىر شاحتالارىن قايتا قوسۋعا جانە كومىر ەلەكتر ستانسالارىنىڭ جۇمىسىن جانداندىرۋعا يتەرمەلەدى. ناتيجەسىندە ءبىرقاتار مەملەكەتتىڭ كومىرتەكسىزدەندىرۋ ساياساتى ەنەرگەتيكالىق قاۋىپسىزدىكتى قامتاماسىز ەتۋ ساياساتىنا قاراما- قايشى بولعانىن كورىپ وتىرمىز»، - دەدى قازاقستان پرەزيدەنتى.

وسى رەتتە مەملەكەت باسشىسى بۇگىنگى كەڭەس وتىرىسىن اتالعان ماسەلەگە قاتىستى ءبىرقاتار مەملەكەتتىڭ كومىرتەكسىزدەندىرۋ ساياساتى ەنەرگەتيكالىق قاۋىپسىزدىكتى قامتاماسىز ەتۋ ساياساتىنا قاراما- قايشى ينتەراكتيۆتى ءوزارا ءىس- قيمىل رەتىندە وتكىزۋدى ۇسىندى.

«ءسوز سويلەۋلەرىڭىزدە سىزدەردىڭ پىكىرلەرىڭىزدى، ەڭ الدىمەن بىزگە - قازاقستانعا ۇزاقمەرزىمدى ماقساتتارعا قول جەتكىزۋگە كومەكتەسەتىن نەگىزگى قۇرالدار رەتىندە جاسىل جانە ەنەرگوتيىمدى تەحنولوگيالاردى قابىلداۋدا قانداي ادىستەر ۇسىناتىندىقتارىڭىزدى ەستىگىم كەلەدى»، - دەدى قاسىم- جومارت توقايەۆ.

اۆتور: مارلان جيەمباي