ۇلتتىق قاۋىپسىزدىك كوميتەتى ءتوراعاسىنىڭ ورىنباسارى تاعايىندالدى

نۇر-سۇلتان. قازاقپارات - مەملەكەت باسشىسىنىڭ وكىمىمەن ءالي ساپارعالي ۇلى التىنبايەۆ قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى لاۋازىمىنا تاعايىندالدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

ءالي التىنبايەۆ 1979 -جىلى الماتى وبلىسىندا دۇنيەگە كەلگەن. قازاق مەملەكەتتىك باسقارۋ اكادەمياسىن، تۇران ۋنيۆەرسيتەتىن، ر ف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك باسقارۋ اكادەمياسىن ءتامامداعان. بۋحالتەرلىك ەسەپ جانە اۋديت، قۇقىقتانۋ، مەملەكەتتىك جانە مۋنيتسيپالدى باسقارۋ ماگيسترى.

2001-2009 -جىلدارى ەڭبەكشىقازاق اۋدانى بويىنشا سالىق كوميتەتىندە ءتۇرلى قىزمەتتەر اتقارعان.

2009-2010 -جىلدارى - الماتى وبلىسى بويىنشا سالىق دەپارتامەنتىنىڭ سالىق ءاۋديتى باسقارماسى زاڭدى تۇلعالار ءاۋديتى ءبولىمىنىڭ باسشىسى.

2010 -جىلى - الماتى قالاسى تۇركسىب اۋدانى بويىنشا سالىق باسقارماسىنىڭ جەكە كاسىپكەرلەردىڭ اقپاراتىن قابىلداۋ جانە وڭدەۋ ورتالىعىنىڭ ءبولىم باسشىسى.

2010-2014 -جىلدارى الماتى قالاسى بويىنشا سالىق دەپارتامەنتىندە ءتۇرلى لاۋازىمداردى اتقارعان.

2014-2015 -جىلدارى الماتى قالاسى بويىنشا مەملەكەتتىك كىرىستەر دەپارتامەنتىندە باسشىلىق قىزمەتتەر اتقارعان.

2015-2017 -جىلدارى - الماتى قالاسى الاتاۋ اۋدانى بويىنشا مەملەكەتتىك كىرىستەر باسقارماسىنىڭ باسشىسى.

2017-2019 -جىلدارى - الماتى قالاسى ناۋرىزباي اۋدانى بويىنشا مەملەكەتتىك كىرىستەر باسقارماسىنىڭ باسشىسى.

2019-2020 -جىلدارى – ق ر ق م م ك ك الماتى قالاسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى.

2020-2021 -جىلدارى – ق ر ق م قارجى مونيتورينگى كوميتەتى الماتى قالاسى بويىنشا ەكونوميكالىق تەرگەۋ دەپارتامەنتىنىڭ باسشىسى.

2021 -جىلعى ناۋرىزدان باستاپ قازىرگى ۋاقىتقا دەيىن ق ر قارجى مونيتورينگى اگەنتتىگى الماتى قالاسى بويىنشا ەكونوميكالىق تەرگەۋ دەپارتامەنتىنىڭ باسشىسى قىزمەتىن اتقاردى.