جالاقىسى جوعارى قىزىقتى ماماندىقتار - فوتو

نۇر-سۇلتان. قازاقپارات - بارلىق ماماندىقتار ماڭىزدى بولعاندىقتان قاجەتتىلىكتەن تۋادى. سولاردىڭ ىشىندە ادامعا ەرسى كورىنەتىن ماماندىق تۇرلەرى دە بار.

ءسىز مۇنداي ماماندىق اتاۋلارىن ۋنيۆەرسيتەتتىڭ ماماندىق تىزىمىنەن كورمەگەن بولارسىز. الايدا، ونداي ماماندىق تۇرلەرى قوعامعا اۋاداي قاجەت.

بۇل تۋرالى bigpicture.ru حابارلايدى.

ەگەر ءسىز ماماندىعىڭىزدى تۇبەگەيلى وزگەرتكىڭىز كەلىپ، ەكزوتيكالىق ورتادا جۇمىس ىستەگىڭىز كەلسە، وسى تىزىمگە كوز جۇگىرتىڭىز.

ويىن ينسپەكتورى

كازينولار ويىنشىنىڭ ۇتىپ كەتپەۋى ءۇشىن، قولدان كەلگەننىڭ ءبارىن جاساپ قالادى. ءتىپتى، لاس- ۆەگاستا دا ەرەجە بويىنشا جۇمىس ىستەيدى. ويىن تاستارى قىرى، سالماعى، سانى جاعىنان تۇگەل جانە ءتۇزۋ بولۋى كەرەك. وسى اتالعانداردى ارنايى كاسىبي ينسپەكتورلار تەكسەرەدى.

بالاپاننىڭ جىنىسىن انىقتاۋشى

بۇل ماماندىق وڭاي جۇمىس ەمەس سەكىلدى. ماماننىڭ انىقتاۋىنان كەيىن بالاپاننىڭ قايدا بولىنەتىنى انىق بولادى.

قولتىق ءيىسىن يىسكەپ تەست الۋشى

بۇل ماماندىقتىڭ جۇمىسى اتاۋىنان دا قىزىقتى. مامانداردىڭ وزدەرى دەزودارانتتى سەبۋگە مىندەتتى ەمەس. ولار دەزودارانتتى پايدالانعان ادامداردىڭ قولتىعىن يىسكەۋ ارقىلى ونىڭ اسەرىن انىقتايدى. بۇل جۇمىستىڭ بارلىعىنا ارنالماعانى ايتپاسا دا تۇسىنىكتى.

گولف دوبىن سۋدا ءجۇزىپ الىپ بەرۋشى

ناعىز دجەنتەلمەندەرگە ارنالعان گولف الاڭى وزەن، كولدەردىڭ جاعاسىنا سالىنادى. بۇل ويىندى تاجىريبەسىز ادامدار دا ويناۋعا قۇمار. ولاردىڭ دوبى بەلگىلەنگەن مەجەگە ەمەس، وزەن- سۋلارعا قاراي كەتىپ جاتادى. سول دوپتاردىڭ الىپ بەرۋشى ماماندار جىلىنا 100 مىڭ دوللارعا جۋىق تابىس تابادى. ەكى گولف سۇڭگۋىرىنىڭ جۇمىس كەزىندە سۋعا باتىپ، قايتىس بولعانى تىركەلگەن ەكەن. سوندىقتان بۇل ماماندىقتى ءبارى بىردەي اتقارا المايدى.

جىلاننىڭ ۋىن الۋشى

جىلاننىڭ كوپتەگەن ءتۇرى ۋلى بولاتىنىن بىلەسىزدەر. وسى تۇرعىدا جىلاننىڭ ۋىن الۋعا سارىسۋ پايدالانىلادى. جىلاننىڭ اۋزىن اشىپ تۇرىپ، ۋىن الۋ تەك كاسىبي ماماننىڭ عانا قولىنان كەلەدى.

پەچەنەلەرگە ارنالعان انىقتامالار جازۋشى

ەلدەر پەچەنە جەپ وتىرىپ، وقىپ وتىراتىن رومانتيكالىق انىقتامالار مەن ۇزىندىلەردى ارنايى ماماندار جازادى.

قۇرت جيناۋشى

بالىق اۋلاۋدى جانى سۇيەتىن، ءبىراق، وزدەرى جەرەن قۇرت قازۋعا ەرىنەتىندەر ءۇشىن ارنايى قۇرت جيناۋشىلار دا تابىلادى.

يتتەردىڭ تاعامىنىڭ ءدامىن تاتىپ كورۋشى

يتتەردىڭ تاعامنىڭ ءدامدى- ءداسمىز ەكەنىن ايتا المايتىنىن بىلەسىزدەر. ال، وسى ماماندار يتتەرگە ارنالعان تاعامداردىڭ ءدامىن تاتىپ كورەدى.

سيا قالامىنىڭ «دارىگەرى»

اعىلشىن تىلىندە بۇل ماماندىق ءدال وسىلاي اتالادى. ولار قالامساپتاردى جوندەپ، قالپىنا كەلتىرەدى. ХХІ عاسىردا دا مۇنداي كونە قالامساپتاردى قولدانادى.

اكۆوپاركتە قىدىرىپ ءجۇرىپ تەست الۋشى دەمالا ءجۇرىپ اقشا تابۋ ءبارىنىڭ ارمانى ەمەس پە؟

ساعىزدى شايناپ كورۋشى

بۇل قىزمەتكەرلەرگە ساعىزدى شايناپ كورگەنى ءۇشىن اقشا تولەيدى. ءبىراق، ساعىز شايناۋدىڭ جامان ادەت ەكەنىن دە بىلەرسىزدەر.

فەيسفيلەر

بۇل قىزمەتكەرلەر وزگەلەردىڭ بەتىن سيپاپ كورگەنى ءۇشىن اقشا تابادى. ولار بارلىعىنىڭ ەمەس، ارينە، تەك كرەم جاعىپ كورۋشىلەردىڭ بەت تەرىسىن ۇستاپ كورەدى. سول ارقىلى تەرىنىڭ قانشالىقتى جۇمسارعانىن تەكسەرەدى.

مانەكەن ادامدار

كوپتەگەن دۇكەندەر مانەكەن بولىپ تۇرۋ ءۇشىن مودەلدەردى جالدايدى. ولار ءارى ءتۇرلى قالىپتا تۇرىپ كيىم جارنامالايدى.

جوعالعان ءۇي حايۋاناتتاردى ىزدەۋشى

دجيم كەرريدىڭ رولىندەگى ەيس ۆەنتۋرانىڭ كينوداعى وبرازى ويدان شىعارىلعانىمەن، مۇنداي ماماندىقتار دا ومىردە كەزدەسەدى. كوپتەگەن ادامدار جوعالعان ءۇي حايۋاناتتارىن تاۋىپ بەرۋ ءۇشىن قوماقتى قارجى تولەيدى. ءتىپتى، كەيبىرەۋلەر، ءتورتاياقتىلاردى قالاي ىزدەۋ كەرەكتىگى جايلى جەكە تاجىريبەلىك ورتالىقتار دا اشقان.

دينوزاۆرلاردى تازالاۋشى

فرەنك برەيستەد ۆاشينگتوننىڭ مۇراجايىندا 30 جىلدان بەرى اپتاسىنا بەس رەت دينوزاۆر قاڭقاسىن ارنايى قۇرالمەن تازالاپ كەلگەن.

دەرەككوز: Stan.kz