دارىگەر ىشەك قاتەرلى ىسىگىنىڭ العاشقى بەلگىلەرىن اتادى

نۇر-سۇلتان. قازاقپارات - ونكولوگ- پروكتولوگ ەلەنا سميرنوۆا «دوكتور پيتەر» پورتالىنا بەرگەن سۇحباتىندا ىشەك قاتەرلى ىسىگىنىڭ العاشقى بەلگىلەرىن ايتتى.

مامان ىشەك قاتەرلى ىسىگىنىڭ العاشقى بەلگىلەرى رەتىندە قان كەتۋ، ديارەيا نەمەسە ءىش قاتۋ، تاماقتان كەيىن ىشتە اۋىرسىنۋ، باۋىرداعى ىشەك فۋنكتسياسىنىڭ بۇزىلۋى سەكىلدى ءجيى كەزدەسەتىن بەلگىلەردى اتادى. بويىندا وسى بەلگىلەردى بايقاعان ادامدارعا دارىگەرگە بارۋعا كەڭەس بەردى.

دارىگەر سونىمەن قاتار امەريكالىق گاستروەنتەرولوگيالىق قاۋىمداستىقتىڭ تانىمال پرەپاراتتاردىڭ كولورەكتالدى قاتەرلى ىسىككە اسەرى تۋرالى زەرتتەۋ دەرەكتەرىمەن ءبولىستى.

«تومەن دوزادا اسپيرين قولدانۋ قان كەتۋ قاۋپى جوعارى ەمەس، 70 جاستان اسقان، ءومىر ءسۇرۋ ۇزاقتىعى كەمىندە 10 -جىل ناۋقاستاردا توق ىشەك قاتەرلى ىسىگىنىڭ الدىن الۋ ءۇشىن قولدانىلۋى مۇمكىن جانە قولدانىلۋى كەرەك»، - دەپ ءبولىستى پروكتولوگ.

سميرنوۆانىڭ ايتۋىنشا، قانت ديابەتىمەن اۋىراتىن ناۋقاستارعا مەتفورمين تاعايىندالۋى مۇمكىن. ىشەك قاتەرلى ىسىگىنىڭ الدىن الۋ ءۇشىن D دارۋمەنى مەن كالتسيدى، فولي قىشقىلىن جانە ستاتيندى قابىلداۋعا بولمايدى.

Tengrinews.kz