ت م د بويىنشا ەڭ ارزان الكوگول ساتاتىن ەل
سونداي-اق بيىل قاڭتار-ءساۋىر ايلارىندا قازاقستاندا اراق جانە كونياك ءوندىرىسى ارتقان، دەپ حابارلايدى قازاقپارات Energyprom رەسۋرسىنا سىلتەمە جاساپ.
ەلىمىزدە ءجۇزىم شارابىن جاساۋ ازايعان (%35,1 تومەندەپ 8,8 ميلليون ليترگە ازايىپ وتىر). ونىڭ ىشىندە شىمىرلايتىن شاراپ ءوندىرىسى دە (ءوندىرىس بىردەن %70,3 كەمىگەن، بار بولعانى 267,2 مىڭ ليتر) تومەندەگەن. سونىمەن قاتار ليكەر (%9,2 عا، 679,7 مىڭ ليترگە دەيىن) جانە سىرا (%3,5 عا، 208,7 ميلليون ليترگە دەيىن) شىعارۋ ازايدى.
بيىلعى جىلدىڭ ءبىرىنشى توقسانىنىڭ قورىتىندىسى بويىنشا جەرگىلىكتى كومپانيالار سىراعا سۇرانىستى (ەكسپورت پەن ىشكى نارىقتى قوسا العاندا) %90,7 قامتاماسىز ەتتى. ءبىر جىل بۇرىن بۇل كورسەتكىش %92,9 دى قۇراعان.
يمپورت كولەمى جىل بويى %39,4- عا ارتىپ، 16,4 ميلليون ليترگە دەيىن ءوستى. ال جەرگىلىكتى ءوندىرىستىڭ نارىقتى اراق جانە ليكەر-اراق بۇيىمدارىمەن قامتاماسىز ەتۋى %83,5 جەتتى. ءبىر جىل بۇرىن %75,7 بولعان. دەگەنمەن يمپورتتىڭ جىل بويى %0,7 عا، ياعني 2,4 ميلليون ليترگە دەيىن ازايعانى بايقالدى.
حابارلامادا ايتىلعانداي، ەلىمىزدە شاراپقا سۇرانىس %64,2 عا قامتاماسىز ەتىلدى. يمپورتتىڭ ۇلەسى - %35,8. ەلگە 2,8 ميلليون ليتر شاراپ اكەلىندى، بۇل ءبىر جىل بۇرىنعىعا قاراعاندا %34,7 عا ارتىق.
قازاقستاندا بيىل ءساۋىر ايىنىڭ قورىتىندىسى بويىنشا الكوگول سۋسىندارىنىڭ باعاسى ءبىر ايدا %2,6 عا، جىل باسىنان بەرى %6,8 عا ال ءبىر جىلدىڭ ىشىندە %11,7 عا ءوستى.
اي سايىنعى ديناميكا بويىنشا ءبىر ايدا اراقتىڭ باعاسى - %2,4، شاراپ پەن سىرا - %2,6 عا قىمباتتادى.
جىلدىق ديناميكاعا كەلسەك، شاراپتىڭ باعاسى - %9,5، اراق - %10,2 جانە سىرا %15,4 عا ءوستى.
ت م د ەلدەرى اراسىندا قازاقستاندا الكوگول باعاسى جوعارى ەمەس.
مىسالى، Numbeo.com مالىمەتى بويىنشا قازاقستاندا ورتا كلاستى ءبىر بوتەلكە شاراپ 5,76 ا ق ش دوللارىن قۇرايدى. 0,33 ليترلىك بوتەلكەدە ساتىلاتىن يمپورتتالعان سىرانىڭ باعاسى - 1,39 دوللار. ال جەرگىلىكتى سىرا 0,5 ليترلىك بوتەلكە ءۇشىن - 0,72 دوللار (ەڭ تومەنگى باعا).
ەڭ قىمبات ءبىر بوتەلكە شاراپ رەسەيدە (9,67 ا ق ش دوللارى)، سونداي-اق يمپورتتالعان سىرا دا (2,16 ا ق ش دوللارى) قىمبات مۇندا.
جەرگىلىكتى شاراپ ەڭ قىمبات ەل - ازەربايجان. ءبىر قۇتىسى 1,15 دوللار تۇرادى.
