رەسەيلىك تانىمال جوبا العاش رەت قازاقستاندىق قۇرىلىسشىلارمەن دوڭگەلەك ۇستەل وتكىزەدى

نۇر-سۇلتان. قازاقپارات - «ۆسە و سترويكە» ەفيرىندە ديەۆەلوپەرلەر رەسپۋبليكانىڭ تۇرعىن ءۇي قۇرىلىسىنىڭ پەرسپەكتيۆالارىن جانە سيفرلاندىرۋ كەيستەرىن تالقىلايدى.

سپيكەرلەر اراسىندا قازاقستان قۇرىلىس سالۋشىلار قاۋىمداستىعىنىڭ، BI Group، «Samruk-Kazyna Construction» ا ق، DIPCO، «قازاق ق س ع ز ي» ا ق وكىلدەرى بار.

پىكىرتالاس ونلاين وتەدى، دەپ حابارلايدى قازاقپارات.

«ۆسە و سترويكە « جوباسى — بۇل سالانىڭ وزەكتى ماسەلەلەرىن تالقىلاۋ ءۇشىن قۇرىلىس سالۋشىلار، بيلىك ورگاندارى مەن بانكتەر ونلاين كەزدەسەتىن ديەۆەلوپمەنتتىڭ تاۋەلسىز الاڭى. دوڭگەلەك ۇستەلدەر جوبانىڭ Youtube-كانالىندا تىكەلەي ەفيرلەر فورماتىندا وتەدى. 9- ماۋسىمدا استانا ۋاقىتىمەن ساعات 11:00 دە قازاقستان قۇرىلىسشىلارى جوباعا العاش رەت قاتىسادى. الداعى شىعارىلىمنىڭ تاقىرىبى: «قازاقستان رەسپۋبليكاسىنىڭ تۇرعىن ءۇي قۇرىلىسىن دامىتۋدىڭ وزىق تاجىريبەلەرى مەن پەرسپەكتيۆالارى».

دوڭگەلەك ۇستەلگە جوبا سايتىندا تەگىن تىركەلۋگە بولادى. شىعارىلىمنىڭ باس سەرىكتەسى جانە تەڭ ۇيىمداستىرۋشىسى: MACRO كومپانياسى.

سەرىكتەستەر: قازاقستان قۇرىلىسشىلار قاۋىمداستىعى، قازاقستان قۇرىلىسشىلار وداعى.

ەفيردە «رەسپۋبليكا قۇرىلىسشىلارىنىڭ الدىندا تۇرعان ماسەلەلەر مەن سىن-قاتەرلەر»، «قازاقستاندا تۇرعىن ءۇي قۇرىلىسىن دامىتۋ پەرسپەكتيۆالارى»، «دامۋدى سيفرلاندىرۋ جانە ونىڭ مۇمكىندىكتەرى»، «رەسپۋبليكانىڭ جەتەكشى قۇرىلىس سالۋشىلارىنىڭ كەيستەرى» سەكىلدى ماسەلەلەر تالقىلانادى.

9- ماۋسىمدا دوڭگەلەك ۇستەلگە قازاقستان قۇرىلىسشىلار قاۋىمداستىعىنىڭ پرەزيدەنتى ۆيكتور ميكريۋكوۆ، BI Group قۇرىلىس يندۋسترياسىن سيفرلاندىرۋ جونىندەگى ديرەكتورى ەركىن اكىمبەكوۆ، «Samruk-Kazyna Construction» ا ق قۇرىلىس دەپارتامەنتىنىڭ ديرەكتورى نياز مۇساتايەۆ، DIPKO كومپانياسىنىڭ اتقارۋشى ديرەكتورى اسان قادىربەكوۆ، Open Development باس ديرەكتورى ۆياچەسلاۆ لازاريەۆ، 7 Stroy قۇرىلىس كومپانياسىنىڭ ديرەكتورى ءامىر قاسەنوۆ، «قازاق ق س ع ز ي» ا ق دامىتۋ جانە سيفرلاندىرۋ جونىندەگى باسقارۋشى ديرەكتورى الەكساندر شاحنوۆيچ، MACRO كومپانياسىنىڭ ساراپشىسى بوگدان يادىكين قاتىسادى.

ەفير مودەراتورلارى - MACRO كومپانياسىنىڭ كوممەرتسيالىق ديرەكتورى راديك نيگماتۋللين جانە جوبا ديرەكتورى سۆەتلانا وپرىشكو.

رەسپۋبليكا ءۇشىن بۇل سالالىق ءىس-شارالاردىڭ جاڭا فورماتى. ەفيردە قازاقستاننىڭ ءىرى قۇرىلىس سالۋشىلارى سالانىڭ ماڭىزدى ماسەلەلەرىن تالقىلايدى، ال كورەرمەندەر نارىقتىڭ نەگىزگى ماسەلەلەرى تۋرالى ساراپشىلاردىڭ ويىن بىلە الادى.

تىكەلەي ەفيردى قاراپ، پىكىرتالاسقا قاتىسۋشىلارعا سۇراق قويۋعا بولادى. جوبا سايتىندا ەفيرگە تىركەلۋگە جانە ت م د ەلدەرىندەگى «ۆسە و سترويكە» دوڭگەلەك ۇستەلدەرىنىڭ تولىق كەستەسىمەن تانىسۋعا بولادى.