ۇلتتىق قوردان بولىنگەن قاراجاتتىڭ ءبىر بولىگى ماقساتسىز جۇمسالعانى انىقتالدى
بۇل تۋرالى ول پرەزيدەنتتىڭ قابىلداۋىنان كەيىن بەرگەن سۇحباتىندا ءمالىم ەتتى.
«مەن بۇگىن مەملەكەت باسشىسىنا ۇلتتىق قوردان بولىنگەن ماقساتتى ترانسفەرتتەرگە جۇرگىزىلگەن اۋديتتىڭ الدىن الا قورىتىندىسى تۋرالى باياندادىم. بۇل اۋقىمدى جۇمىستىڭ قورىتىندىسى بويىنشا شامامەن 9 ميلليارد تەڭگەنىڭ قارجىلىق زاڭ بۇزۋ فاكتىسى انىقتالدى. 290 ميلليارد تەڭگەدەن استام قاراجاتتىڭ 20 جوبا بويىنشا 20 نىسانعا ۇلتتىق قوردىڭ تۇجىرىمداماسىندا قاراستىرىلماعان باعىتتارعا 230 ميلليارد تەڭگەدەن استام قاراجات بولىنگەن. زاڭ بۇزۋ فاكتىلەرى نەگىزىنەن اتقارىلماعان جۇمىستار مەن ورىندالماعان قىزمەتتەرگە اقى تولەۋمەن بايلانىستى»، - دەيدى كوميتەت باسشىسى بورت 1№ تەلەگرام كانالىندا جاريالانعان ۆيدەودا.
سونداي-اق، ول مەملەكەت باسشىسى قاسىم-جومارت توقايەۆتىڭ ەسەپ كوميتەتىن جوعارى اۋديت پالاتاسىنا اينالدىرۋ ماسەلەسىنە قاتىستى قوسىمشا تاپسىرما بەرگەنىن ءمالىم ەتتى.
