بۇگىن ەلىمىزدىڭ كەي وڭىرىندە بۇرشاق جاۋسا، كەي وڭىردە قاتتى ىستىق بولادى
سينوپتيكتەر 7 ماۋسىمعا ارنالعان اۋا رايى بولجامىن جاريالادى.
«قازاقستاننىڭ رەسپۋبليكاسىنىڭ باسىم بولىگىندە تۇراقسىز اۋا رايى بولادى، وسىعان بايلانىستى نايزاعاي ويناپ، جاڭبىر جاۋىپ، باتىستا، سولتۇستىكتە، وڭتۇستىكتىڭ تاۋلى اۋداندارىندا داۋىل سوعادى. تەك ەلىمىزدىڭ وڭتۇستىگىندە، ورتالىعىندا، شىعىسىندا جاۋىن- شاشىنسىز اۋا رايى بولادى. رەسپۋبليكا بويىنشا جەلدىڭ كۇشەيۋى، سولتۇستىكتە تۇمان، وڭتۇستىك- باتىستا، سولتۇستىكتە شاڭدى داۋىل بولادى»، - دەلىنگەن «قازگيدرومەت» ر م ك حابارلاماسىندا.
اتاپ ايتقاندا، قوستاناي وبلىسىنىڭ باتىسىندا، سولتۇستىك- باتىسىندا، سولتۇستىك- شىعىسىندا نايزاعاي، بۇرشاق، داۋىل بولىپ، كۇندىز وبلىستىڭ وڭتۇستىگىندە شاڭدى داۋىل سوعادى، تۇندە وبلىستىڭ باتىسىندا جەل 15-20، ەكپىنى 25 م/س، كۇندىز وبلىستىڭ باسىم بولىگىندە 15-20، ەكپىنى 23-28 م/س جەتەدى.
سولتۇستىك قازاقستان وبلىسىنىڭ وڭتۇستىك- باتىسىندا، باتىسىندا، سولتۇستىگىندە نايزاعاي، كۇندىز بۇرشاق، داۋىل بولفپ، تۇندە جانە تاڭەرتەڭ وبلىستىڭ باتىسىندا تۇمان تۇسەدى، كۇندىز وبلىستىڭ وڭتۇستىك- باتىسىندا، باتىسىندا، سولتۇستىگىندە جەل 15-20 م/س جەتەدى.
تۇندە باتىس قازاقستان وبلىسىنىڭ سولتۇستىگىندە، سولتۇستىك- باتىسىندا، كۇندىز سولتۇستىك- شىعىسىندا نايزاعاي، بۇرشاق، داۋىل بولىپ، وبلىستىڭ سولتۇستىگىندە، سولتۇستىك- باتىسىندا جەل 15-20 م/س جەتەدى.
كۇندىز اقمولا وبلىسىنىڭ باتىسىندا، سولتۇستىگىندە نايزاعاي ويناپ، جەل 15-20 م/س جەتەدى.
كۇندىز الماتى وبلىسىنىڭ تاۋلى اۋداندارىندا نايزاعاي ويناپ، وبلىستىڭ سولتۇستىك- شىعىسىندا، تاۋلى اۋداندارىندا جەل كۇشى 15-20, ەكپىنى 25 م/س جەتەدى.
اتىراۋ وبلىسىنىڭ باتىستا وڭتۇستىگىندە جەل 15-20 م/س جەتەدى.
ماڭعىستاۋ وبلىسىنىڭ باتىسىندا سولتۇستىگىندە نايزاعاي، شاڭدى داۋىل بولىپ، كۇندىز وبلىستىڭ باتىسىندا، سولتۇستىگىندە، وڭتۇستىگىندە جەل 15-20 م/س جەتەدى.
تۇندە اقتوبە وبلىسىنىڭ سولتۇستىك- باتىسىندا، كۇندىز باسىم بولىگىندە جەل 15-20 م/س جەتەدى.
كۇندىز قاراعاندى وبلىسىنىڭ باتىسىندا، شىعىسىندا جەل 15-20 م/س جەتەدى.
كۇندىز قىزىلوردا وبلىسىنىڭ ورتالىعىندا جەل 15-20 م/س جەتەدى.
كۇندىز جامبىل وبلىسىنىڭ تاۋلى اۋداندارىندا نايزاعاي، بۇرشاق، داۋىل بودىپ، تاڭەرتەڭ جانە كۇندىز وبلىستىڭ سولتۇستىك- شىعىسىندا، تاۋلى اۋداندارىندا جەل 15-20 م/س جەتەدى.
كۇندىز قاراعاندى، قىزىلوردا، قوستاناي وبلىستارىنىڭ وڭتۇستىگىندە قاتتى ىستىق بولادى.
قىزىلوردا وبلىسىنىڭ باتىسىندا، شىعىسىندا، ورتالىعىندا، قاراعاندى وبلىسىنىڭ باتىسىندا، شىعىسىندا، الماتى وبلىسىنىڭ باتىسىندا توتەنشە ءورت قاۋپى ساقتالادى.
