قازاقستاندا ديزەل باعاسى ءوسىپ جاتىر

نۇر-سۇلتان. قازاقپارات - مۇناي جەتكىزۋشى الپاۋىت كاسىپورىندار ديزەل باعاسىن كوتەرىپ جىبەردى.

ق ر پرەمەر-ءمينيسترىنىڭ ءبىرىنشى ورىنباسارى رومان سكليار ءماجىلىس دەپۋتاتتارىنىڭ ساۋالىنا وسىلاي جاۋاپ بەردى، دەپ حابارلايدى قازاقپارات ءتىلشىسى.

«اقپارات-اناليتيكا اگەنتتىكتەرىنىڭ دەرەگى بويىنشا، مۇناي جەتكىزۋشى ءىرى كاسىپورىندار («PETROSUN» ج ش س مەن «قازمۇنايگاز» ۇ ك» ا ق) ديزەلدىڭ ءبىر تونناسىن 10-15 تەڭگەگە نەمەسە ليترىن 8-12 تەڭگەگە دەيىن كوتەرىپ جىبەرگەن. ءدال وسىنداي ءوسىم باسقا جەتكىزۋشىلەردەن دە بايقالىپ وتىر. بولشەك ساۋداداعى باعا رەتتەلىپ وتىرعان كەزەڭدە اكسيز مولشەرلەمەسىن كوتەرۋ مۇناي جەتكىزۋشىلەر مەن جەر قويناۋىن پايدالانۋشىلاردىڭ، مۇناي ونىمدەرىن ساتاتىن دەلدالداردىڭ تابىسىن تومەندەتتى. سوعان قاراماستان شەكتى باعا وزگەرىسسىز قالىپ وتىر. سوندىقتان وكوتەمگى ەگىس ناۋقانى كەزىندە ديزەل باعاسى وسكەن جوق» دەپ جازادى رومان سكليار جاۋابىندا.

ونىڭ سوزىنشە، قازاقستان اۋماعىندا مىنانداي اكتسيز مولشەرلەمەلەرى بەلگىلەنگەن:

- بەنزيننىڭ كوتەرمە ساۋداسىنا (اۆياتسيا بەنزينىن قوسپاعاندا) (كود ت ن ۆ ە د ە ا ە س 2710124110 - 2710125900) - 1 تونناعا 38134 تەڭگە؛

- ديزەلدىڭ كوتەرمە ساۋداسىنا (كود ت ن ۆ ە د ە ا ە س 2710194210- 2710194250) - 1 تونناعا 35726 تەڭگە.

«بۇعان قوسا جانارماي باعاسىنىڭ كۇرت ءوسۋىن بولدىرماۋ ءۇشىن مۇناي باعاسىن تاۋار بيرجالارىندا كوتەرمە باعامەن وتكىزۋدىڭ ۇسىنىمدارىنا وزگەرتۋلەر ەنگىزىلدى. بۇل ۇسىنىمدار بيرجالداعى ساۋدا ەرەجەسى بەكىتىلگەنگە دەيىن قولدانىلادى. ول بويىنشا، ءبىر ساۋدا سەسسياسىنىڭ كەزەڭىندە باعا %1 دان ارتىق قىمباتتاماۋى كەرەك. بيرجاداعى ساۋداعا قاتىسۋدىڭ جىلدىق اينالىمىنا بەلگىلەنگەن 5 مىڭ توننالىق شەك الىپ تاستالدى. بۇل جانارماي قۇيۋ ستانسالارىنا جانارمايدى شاعىن مولشەرمەن، بيرجا ارقىلى رەسۋرس ۇستاۋشىلاردان تىكەلەي ساتىپ الۋعا مۇمكىندىك بەرەدى»، - دەپ اتاپ ءوتتى ۇكىمەت باسشىسىنىڭ ورىنباسارى.

13- مامىردان باستاپ ديزەلدى بيرجادا FCA شارتىمەن ساتاۋ قايتا جاندانعان بولاتىن.

«مۇناي وڭدەۋشى زاۋىتتار ۇسىنعان باستاپقى باعا تونناسىنا 222 - 227 مىڭ تەڭگە نەمەسە ليترىنە 184 - 188 تەڭگە بولدى. ال بولشەك ساۋدادا 1 ليتر ديزەلدىڭ باعاسى 230 - 260 تەڭگە بولىپ وتىر»، - دەيدى رومان سكليار.

ەسكە سالساق، مۇناي وڭدەۋ زاۋىتتارى ەگىسكە قاجەت ديزەلدىڭ ءبىر ليترىن 176 تەڭگەدەن ساتقان بولاتىن.