12:35, 05 - ماۋسىم 2022 | GMT +6
ەۋروپا قازاقتارىنىڭ كەزدەسۋ- قۇرىلتايى ءوتىپ جاتىر
نۇر-سۇلتان. قازاقپارات - 4-5-ماۋسىم ارالىعىندا فرانتسيانىڭ پاريج قالاسىندا شەتەلدە تۇراتىن وتانداستارىمىزدىڭ قاتىسۋىمەن «ەۋروپا قازاقتارىنىڭ كەزدەسۋ- قۇرىلتايى» ءوتىپ جاتىر، دەپ حابارلايدى قازاقپارات.
شارا قازاقستان رەسپۋبليكاسىنىڭ فرانتسياداعى ەلشىلىگى مەن فرانسياداعى قازاق- تۇرىك قوعامى، سونىمەن قاتار «وتانداستار قورى» كوممەرتسيالىق ەمەس ا ق- نىڭ اتسالىسۋىمەن ۇيىمداستىرىلدى. كەزدەسۋ- قۇرىلتايدىڭالعاشقى كۇنىندە قازاقستاننىڭ فرانتسياداعى توتەنشە جانە وكىلەتتى ەلشىسى جان گالييەۆ پەن «وتانداستار قورى» ك ە ا ق پرەزيدەنتى ابزال ساپاربەك ۇلى ۇلى تۇلعالارعا تاعزىم ەتۋگە ارنايى باردى.
اتاپ ايتقاندا، الاشتىڭ ازاتتىق كۇرەسىنىڭ قايراتكەرى مۇستافا شوقاي مەن حاكىم ابايدىڭ ەسكەرتكىشىنە بارىپ، قۇران باعىشتادى، گۇل شوقتارىن قويدى. م. شوقايدىڭ ەسكەرتكىشى پاريج ماڭىندا كەزىندە ءوزى تۇرعان ءۇيدىڭ قاسىندا ورنالاسقان. ال اباي اتامىزدىڭ ەسكەرتكىشى پاريجدىڭ ءدال ورتاسىنداعى اقىندار ساياباعىندا بوي كوتەرگەن.
