ماۋسىمنان باستاپ قازاقستاندىقتاردىڭ زەينەتاقىسى مەن جاردەماقىسى وسەدى

نۇر-سۇلتان. قازاقپارات – ماۋسىمنان باستاپ قازاقستاندىقتار جوعارىلاتىلعان زەينەتاقى مەن جاردەماقى الا باستايدى، - دەپ حابارلايدى «ازاماتتارعا ارنالعان ۇكىمەت» مەملەكەتتىك كورپوراتسياسى.

ۆەدومستۆو مالىمەتىنشە، 2022 -جىلدىڭ 12-مامىرىندا قابىلدانعان «2022-2024 -جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى« زاڭى شەڭبەرىندە 2022 -جىلدىڭ 1-ساۋىرىنەن باستاپ ينفلياتسيانىڭ 2022 -جىلعا ارنالعان ءدالىزىن قايتا قاراۋدى ەسكەرە وتىرىپ، مەملەكەتتىك الەۋمەتتىك ساقتاندىرۋ قورىنان (م ءا س ق) تولەنەتىن ىنتىماقتى زەينەتاقى مەن الەۋمەتتىك تولەمدەردىڭ مولشەرى قوسىمشا 4 پايىزعا يندەكستەلدى، ال ەڭ تومەنگى كۇنكورىس دەڭگەيى (ە ت ك د) مەن ايلىق ەسەپتىك كورسەتكىش (ا ە ك) كولەمىنىڭ وزگەرۋىنە بايلانىستى بازالىق زەينەتاقى مەن جاردەماقى مولشەرى 4 پايىزعا ارتتى.

زاڭعا سايكەس 1-ساۋىردەن باستاپ:

ايلىق ەسەپتىك كورسەتكىش (ا ە ك) - 3180 تەڭگە مولشەرىندە؛

ەڭ تومەنگى زەينەتاقى - 48032 تەڭگە؛

ەڭ تومەنگى كۇنكورىس دەڭگەيى (ە ت ك د) - 37389 تەڭگە؛

بازالىق زەينەتاقى تولەمىنىڭ ەڭ تومەنگى مولشەرى - 20191 تەڭگە.

ماۋسىم ايىنان باستاپ زەينەتاقى مەن جاردەماقى الۋشىلار اعىمداعى جىلدىڭ ءساۋىر جانە مامىر ايلارىنىڭ قوسىمشا اقىسىن ەسكەرە وتىرىپ، تولەمدەردى جوعارى مولشەردە الاتىن بولادى.

جوعارىلايتىن تولەمدەردىڭ جالپى سانى 6,6 ميلليونعا جەتتى. زەينەتاقى مەن جاردەماقىلار مەملەكەت باسشىسى قاسىم-جومارت توقايەۆتىڭ تاپسىرماسىن ورىنداۋ اياسىندا يندەكستەلدى.