پولشا قازاقستانمەن ىنتىماقتاستىقتى جوعارى باعالايدى - زبيگنيەۆ راۋ
بۇل تۋرالى ەلوردادا قازاقستان ديپلوماتتارىمەن كەزدەسۋدەن كەيىن پولشا سىرتقى ىستەر ءمينيسترى زبيگنيەۆ راۋ ايتتى، دەپ حابارلايدى قازاقپارات ءتىلشىسى.
پولياك ديپلوماتى ەۋروپاداعى قاۋىپسىزدىك جانە ىنتاماقتاستىق ۇيىمىنىڭ ءىس باسىنداعى ءتوراعاسى رەتىندە ورتالىق ازيا ەلدەرىنە ساپارى اياسىندا ەكى كۇندىك رەسمي ساپارمەن قازاقستانعا كەلدى.
«قازاقستانعا ساپار اياسىندا ماڭىزدى كەلىسسوزدەر ءوتتى. ەقىۇ مۇشە ەلدەر اراسىندا سەنىم مەن ىنتىماقتاستىقتى نىعايتۋ ءۇشىن ەڭ وزەكتى پلاتفورما بولىپ قالىپ وتىر. ءبىز قاۋىپسىزدىكتىڭ كەشەندى اسپەكتىسى بويىنشا ىنتىماقتاستىق ورناتتىق. جالپى، ءتۇرلى سالادا قازاق ارىپتەستەرمەن بايلانىستاردى نىعايتۋعا مۇددەلىمىز. قازاقستان رەسپۋبليكاسىنىڭ ە ق ى ۇ- داعى مۇشەلىگىنىڭ 30 جىلدىعىن اتاپ وتتىك. وسى ورايدا قازاقستان وسى ۇيىمنىڭ دامۋىنا ەلەۋلى ۇلەس قوستى جانە ە ق ى ۇ- نىڭ ماڭىزدى مۇشەسى بولىپ قالا بەرەدى. 2010-جىلى ە ق ى ۇ- عا قازاقستاننىڭ ءتوراعالىعى مەن ۇيىمنىڭ (نۇر-سۇلتان قالاسىنداعى) ءسامميتى وسىعان دالەل»، - دەدى زبيگنيەۆ راۋ.
وسى ورايدا ول قازاقستاننىڭ ۇيىمعا ءتوراعالىعى كەزىندە قاۋىپسىزدىك ماسەلەلەرىنە ءمان بەرىلگەنىن، ورتالىق ازيا وڭىرىنە قاتىستى ماڭىزدى ماسەلەلەر تالقىلانعانىن اتاپ ءوتتى.
«پرەزيدەنت قاسىم-جومارت توقايەۆتىڭ باستاماسىمەن جۇرگىزىلىپ جاتقان رەفورمالار ادام قۇقىقتارىن قورعاۋ سالاسىنداعى وڭ قادامداردى بايقاتىپ وتىر. بۇل تۇرعىدا 5 - ماۋسىم كۇنى وتەتىن رەفەرەندۋمنىڭ ماڭىزى زور. قازاقستان ۇكىمەتىمەن ىنتىماقتاستىقتى جوعارى باعالايمىز جانە ءوزارا بايلانىستاردى دامىتۋعا قولداۋ جاسايتىن بولامىز»، - دەدى ز. راۋ.
بۇدان بۇرىن حابارلانعانداي، ەلوردادا پولشا دەلەگاتسياسىمەن كەزدەسۋدەن كەيىن ق ر سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋللين پولشا قازاقستاننىڭ ەۋروپاداعى ماڭىزدى سەرىكتەسىنىڭ ءبىرى ەكەنىن اتاپ ءوتتى.
